Arnold van Zyl

"Enige skrywer groei deur die oë van sy lesers en hulle kommentare. Dus is terugvoer hetsy negatief of positief baie belangrik, en sal ek dit waardeer. Daarom is leser en skrywer onlosmaaklik van mekaar."

Arnold van Zyl het in 2008 aan sy eerste boek begin werk — ’n filosofiese lewensreis waarmee lesers hul maklik kan vereenselwig. Hoewel dit nog nie voltooi is nie, het hy intussen drie ander romans geskryf. Waar die Melkweg vir Middernag sit en Kinta se Dagboek speel beide af in die natuur en is in dieselfde tydperk geskryf, maar bied unieke en uiteenlopende verhale met onvergeetlike intriges. Hierna het Die stille weë van Liefde gevolg — ’n diep roerende liefdesroman wat die stil pyn en skoonheid van liefde ontgin.