Madelie Broodryk

Madelie Broodryk, gebore op 6 Mei 1993, is ’n passievolle onderwyser en kreatiewe skrywer met ’n liefde vir taal, musiek en storievertelling. Sy het haar studies in 2015 aan die Noordwes-Universiteit voltooi en haar onderwysloopbaan in Kempton Park begin. Daarna het sy teruggekeer na haar geboortedorp, Lichtenburg, voordat sy uiteindelik in die Wes-Kaap gaan woon het — ’n plek wat sy en haar verloofde, Zach, vandag hul tuiste noem.

Madelie bestuur haar eie skryfbesigheid waarin sy toneelstukke, toesprake en musiekblyspelle vir skole skryf. In haar vrye tyd geniet sy dit om te lees, skryf, na musiek te luister en te swem. Sy put inspirasie uit die natuur, haar omgewing, en die mense rondom haar.

Aan haar lesers bied sy stories wat raak, resoneer en herinner aan die mooi en betekenisvolle in die alledaagse. Haar wens is dat elke leser iets van hulself in haar woorde sal ontdek.