Susan Strydom

Susan Strydom is op 'n plaas in Dendron gebore as laatlam, en het grootgeword as enigste kind tussen boeke en verbeeldingswêreld. Sy het ure spandeer aan stories lees soos Saartjie en Kobie, en dikwels haar eie vertellings aan haar ouers opgedis. Op negentien ontmoet sy haar lewensmaat en beste vriend, Hansie, tydens haar pa se siekte. Hulle trou twee jaar later en deel 39 gelukkige jare voor Hansie in 2011 aan longkanker sterf.

Susan het drie dogters, en haar kleinkind het haar storievertel-aanleg weer laat opvlam. Op driejarige ouderdom wou hy elke aand 'n storie hoor, en so is haar kinderstories gebore. Sy het later ook haar eie lewensverhaal neergeskryf. Skryf loop soos 'n goue draad deur haar lewe, en sy glo haar talent is ‘n gawe van haar hemelse Vader, waarvoor sy daagliks dankbaar is.