Wenner van die 2018 Maskew Miller Learning prys vir jeuglektuur.

Al ooit gehoor van vreemde wesens wat uit ’n rekenaar oor die internet ontsnap? En ongekende chaos in die werklikheid veroorsaak? Die Spookeffek-tiener-reeks, neem jou op so ‘n skrikwekkende avontuur, waar die grense tussen die digitale en die werklike wêreld vervaag. Karel Dekker, ‘n talentvolle jong rekenaarspeletjie-ontwerper, skep die e!Kang’s – ’n groep van
ses mistieke wesens gebaseer op Boesmantekeninge. Spanning, aksie en ’n goeie skeut wetenskapfiksie sorg vir ’n meesleurende storie wat jou sal laat wonder: is daar iets méér aan ou legendes as net mites?
Byvoorbeeld: hoe lank weet mense soos die Khoisan reeds van iets soortgelyks
aan die kuberruim?

Wenner van die 2018 Maskew Miller Learning prys vir jeuglektuur.

Karel Dekker se lewe verander drasties nadat hy sy ouers en ’n been in ’n ongeluk verloor. In sy matriekjaar op Kangoberg ontdek hy ’n talent vir rekenaarspeletjies en programmeer die e!Kang’s, geïnspireer deur ’n groep skoolmaats. Wanneer hy per ongeluk sy oupa se kwantumprogram met sy speletjies kombineer, word die e!Kang’s lewend. Hierdie kragtige wesens begin misdaad beveg, maar raak gevaarlik. Karel en sy meisie Siti moet hulle keer – en so begin ’n avontuur vol spanning, wetenskap en bonatuurlike gebeure.