Die hart van ma en vrou

Die gevoel van magteloosheid is een van die ergste emosies wat enige mens kan ervaar. Daardie gevoel dat jou hande vasgemaak is of dat jy in ‘n hokkie vasgekeer is en jy kan nie daaruit kom nie. My gebed is dat elkeen wat hierdie boek lees, sal ervaar hoe getrou God in Sy beloftes is. Al voel dit soms onmoontlik, weet net dat jy nie alleen is en as niemand anders jou stem hoor, God hoor elke versugting van jou hart. Hy ken jou pyn, Hy sien jou trane en wat vir ons onmoontlik lyk, is vir Hom moontlik. Ek bid ook dat die wêreld daar buite sal luister en elke kind wat deur die hel van seksuele mishandeling gaan, se stem duidelik gehoor sal word. My bede is dat hierdie boek genesing en herstel sal bring.
Moenie ophou praat, moenie ophou soek na genesing, moenie dat jou stem doodgedruk word nie. God wil ‘n hele JY hê. Laat jou stem gehoor word, sodat daar ‘n platform geskep word vir hierdie stukkende wêreld van seksuele misbruik en mishandeling.

Met die skryf van hierdie werk, het ek beoog om te getuig van my lewensreis saam met vriendinne, sowel as my passie vir vriendskappe. Deur hierdie boek die lig te laat sien, wou ek graag iets aan die kosbare mense rondom my gee wat hul sal inspireer om vriendskap te omarm en vreugde daaruit te put. Daarmee saam het ek skrifgedeeltes en dagstukkie-inspirasies neergepen wat my deur moeilike dae gehelp het. Tesame met die inspirasie stukke, kry die leser ook die kans om iets wat in haar eie hart leef of ‘n gedagte wat by haar opkom neer te skryf in die “deel jou hart” gedeelte. Selfs dalk ‘n gebed of versugting van haar hart.

Ek is vry van die hel van depressie. God alleen kry die eer daarvoor. Ek kan geen tree gee as Hy my nie bewaar van die bose nie.