Nadat Lucinda, die dogter van Christo Frauendorf, besturende direkteur en eienaar van Frauendorf en Seun, haar verlowing verbreek met Leon-Brink Malan, wil LB niks van haar weet toe sy hom weer terug wil hê nie. LB is die aangewese persoon om die leisels by Christo oor te neem wanneer hy aftree, maar Christo glo egter vas dat LB ’n rokjagter is wat Lucinda net gebruik het om die pos te bekom. Na sy seun se noodlottige ongeluk, bied Christo die pos aan vir sy beste vriend in Frankryk se dogter. Sy sal die perfekte persoon wees om LB vir goed uit hulle lewens te kry. Buiten Jacqueline Giard se uitstekende sakevernuf, is sy self ook teleurgestel deur ’n man wat haar misbruik het om ’n deel van haar pa se sakeonderneming te probeer inpalm. LB stel nie belang in meisies wat nie intellektueel op sy vlak is nie, maar die hart laat hom nie voorskryf nie. Lientjie Steenkamp, die naïewe blondekopmeisie, slaan sy voete onder hom uit die eerste oomblik wat hy haar sien. Sy weet dadelik wie die aantreklike Adonis is, maar besluit om haar eie speletjie met hom te te speel. Ook sy loop haar rieme deeglik styf toe LB agterkom wie sy werklik is. Hy sweer wraak. Die firma verloor die een kontrak na die ander nadat hy vir die opposisie gaan werk.
Sou LB se ongetroude swanger sekretaresse die rede wees hoekom Jacqueline skielik besluit om terug te gaan Frankryk toe? Of vlug sy om ’n ander rede?
Skoonlief en die rockster (Toeganklike Grootdruk)
R269.00Heinrich Malan, beter bekend as die berugte rockster Lincoln Ray, is gewoond aan die kollig, skandale en die onophoudelike aandag van aanhangers. Wanneer hy gedwing word om as gaskunstenaar by die gesogte Mejuffrou Ultima-kompetisie op te tree, verwag hy ‘n week vol oppervlakkigheid en irritasie. Andolene Myburgh is alles behalwe die tipiese skoonheidskoningin. As joernalis en boekliefhebber neem sy slegs deel aan die kompetisie omdat haar tweelingsuster haar oorreed het. Sy verlang na stilte, eenvoud en haar gewone lewe. Wanneer hulle paaie onverwags kruis langs ‘n rustige stroompie, ontdek hulle albei dat eerste indrukke gevaarlik misleidend kan wees. Agter die wilde rockster skuil ‘n man met ‘n sagte hart, en agter die rooikop skoonheid ‘n vrou wat weier om deur voorkoms alleen beoordeel te word. Maar kan liefde blom wanneer die wêreld voortdurend kyk, oordeel en inmeng? Of sal roem, geheime en verskillende lewens hulle uitmekaar dwing voordat hul verhaal werklik kan begin? ‘n Hartroerende liefdesverhaal vol romanse, humor, musiek en onverwagte tweede kanse.
Reviews
There are no reviews yet.