Kleiduiwe kán vlieg – die titel is ontleen aan ‘n tema vanuit die Nuwe Testamentiese apokriewe waar menslike mag deur ‘n wonderwerk opgehef word – is ‘n hibriede-roman wat bestaan uit ’n aantal novelles wat dikwels ook van die kortverhaalstruktuur gebruik maak. Onderskeie intriges word binne die novelles uitgebou, terwyl die hoofkarakter en ander karakters, die milieu, tyd en omstandighede tematies verbind word. Die tema van vernietiging deur menslike keuses word deurgaans gevolg, terwyl die woord en die verhaal in die skryfaksie ter wille van die skryfaksie self vir die skrywer en moontlik ook die leser ‘n katarsis bring.

Toe die gerespekteerde boer Herklaas onverwags sterf, laat hy meer as net vier plase aan sy seuns na – hy laat ‘n erfenis vanwaardes, lojaliteit en familie-eenheid na. Danie, Gerrie, Jakkie en Braam staan voor die uitdaging om dieuitgestrekte boerdery van Mansgenoeg saam te bestuur. Terwyl liefde blom, harte breek, nuwe verhoudings ontstaan en moeilike besluite geneem moet word, word die broers se band telkens op die proef gestel.

Sal die erfenis van hulle vader sterk genoeg wees om hullebymekaar te hou wanneer die storms van die lewe oor die vlakte losbreek?
‘n Aangrypende familie-sage vol liefde, verlies, hoop en dieonverbreekbare bande van broederskap.