Liezel Opperman se selfopgelegde lewenstaak, is om haar parapleeg suster, Kristy, te versorg, terwyl sy haar dagsorgsentrum vir gestremde kinders bestuur. Haar lewe is rustig en georden totdat die nuwe buurman, Dean Smith haar pad kruis.
Deur Dean se toedoen, leer hulle ook vir dokter Heinz Manikum ken, wat duidelik sy hart op die pragtige Kristy verloor. Die sentrum was nog altyd vir Liezel ’n veilige hawe waar sy in beheer gevoel het, maar dis hier waar die outistiese seuntjie, Neelsie, se pa, daardie veiligheid bedreig. Dean kom net betyds daar aan om haar te help.
Ten spyte van wat Neelsie se pa aan haar gedoen het, kan Liezel nie die seuntjie wegstuur nie. Dean kry dit reg om deur te dring tot Neelsie se geslote wêreldjie en hy begin met hom kommunikeer.
Alles lyk perfek, maar dan moet Dean sy gewese vrou gaan bystaan terwyl Liezel self deur ’n krisis gaan. Terwyl Dean by Lea is, is dit juis Kobus Steenkamp, die man wat haar veiligheid bedreig het, wat Liezel te hulp snel.
Gaan Liezel vir Dean vergewe omdat hy nie daar was toe sy hom nodig gehad het nie, of gaan Lea altyd tussen hulle staan?
Skoonlief en die rockster (Toeganklike Grootdruk)
R269.00Heinrich Malan, beter bekend as die berugte rockster Lincoln Ray, is gewoond aan die kollig, skandale en die onophoudelike aandag van aanhangers. Wanneer hy gedwing word om as gaskunstenaar by die gesogte Mejuffrou Ultima-kompetisie op te tree, verwag hy ‘n week vol oppervlakkigheid en irritasie. Andolene Myburgh is alles behalwe die tipiese skoonheidskoningin. As joernalis en boekliefhebber neem sy slegs deel aan die kompetisie omdat haar tweelingsuster haar oorreed het. Sy verlang na stilte, eenvoud en haar gewone lewe. Wanneer hulle paaie onverwags kruis langs ‘n rustige stroompie, ontdek hulle albei dat eerste indrukke gevaarlik misleidend kan wees. Agter die wilde rockster skuil ‘n man met ‘n sagte hart, en agter die rooikop skoonheid ‘n vrou wat weier om deur voorkoms alleen beoordeel te word. Maar kan liefde blom wanneer die wêreld voortdurend kyk, oordeel en inmeng? Of sal roem, geheime en verskillende lewens hulle uitmekaar dwing voordat hul verhaal werklik kan begin? ‘n Hartroerende liefdesverhaal vol romanse, humor, musiek en onverwagte tweede kanse.
Reviews
There are no reviews yet.