Janie vlug na die stil kusdorpie Vissiesbaai in ’n wanhopige poging om haar gebroke liggaam en siel te genees. Die letsels op haar been is ’n bitter herinnering aan die trauma wat sy probeer vergeet, én die rede waarom sy niemand naby haar wil toelaat nie. Maar toe stap Ben, die blonde, vrygees-surfer, onverwags haar lewe binne soos ’n somerbries uit die see. Sy speelse terg en onbeskaamde belangstelling laat haar mure kraak, terwyl sy Labrador, Boeta, instinktief besef dat hierdie man dalk kan help om sy mens weer heel te maak. Terwyl die meeue bo die see sirkel, word Janie gedwing om haar verlede in die oë te kyk en te besluit of sy vir altyd op vlug wil wees, of die vlerke van nuwe liefde durf oopsprei. Kan Ben haar leer om weer te glo – in haarself, in vertroue… en in die liefde?

Wendy en Mark word jonk uitmekaar gedryf deur leuens en misverstande. Jare later, ná ’n lewe vol seer en selfgroei, werk Wendy as verloskundige in ’n kusdorpie – onbewus dat Mark as dokter daar sou opdaag. Verbittering en ou wonde laai spanning, terwyl hul jeugliefde weer opvlam. Maar Wendy se onsekerheid, Mark se harde buitekant, en die terugkeer van ’n verlede-vlam toets hul tweede kans. Sal hulle liefde sterk genoeg wees om alles te oorleef?