Dokter Drian Malherbe besluit om vir drie maande weg te breek uit die Kaap om een van die moeilikste besluit van sy lewe te neem – om te besluit of hy in sy liefdelose huwelik moet bly ter wille van sy kinders. Die noodlot speel in sy guns toe hy in die laeveld op Tessa Roussouw, ’n pediater van Johannesburg, se erfplaas beland. Sy laat hom toe om kamp op te slaan in die ongerepte natuurskoon.
In die enkele dae wat volg, gebeur die byna ongelooflike: Tessa en Drian ontdek dat hulle mekaar waarlik liefhet en die res van hul lewens met mekaar wil deel. Tessa vrees egter dat Drian haar eendag daaroor sal verwyt dat sy tussen hom en sy kinders gekom het, en onttrek haar van hom sodat hy die finale besluit op sy eie kan neem. Met die belofte dat hy sál terugkom na haar toe, keer Tessa terug na haar lewe in die stad, om te wag.
Twee ongelukke, geheueverlies, en ’n boemelaar met dieselfde kleur hare en oë as Drian, ruk hulle lewens egter oornag uitmekaar.Tessa kom voor die moeilikste keuse van haar lewe te staan: moet sy die waarheid vertel, of haar geluk beskerm?
LIEFDE SONDER PERK is ’n roerende verhaal uit die pen van die baie bekende Wilmarí Jooste. Dit hou jou vasgenael tot op die laaste bladsy en laat jou met die salige, ewige waarheid: Ware liefde ken géén perke!
Liefste perskedief (Grootdruk)
R309.00Anika Herbst is die sonstraal van Geluksdal – vrolik, spontaan en altyd gereed vir ‘n nuwe avontuur. Ná ‘n droomvakansie keer sy terug huis toe, net om haarself binne ure in die grootste moeilikheid denkbaar te bevind: ‘n val uit ‘n perskeboom, ‘n verstuite enkel, en ‘n onverwagte botsing met haar nuwe buurman. Jos Joubert het na Geluksdal gekom om sy verlede agter te laat. As die nuwe skoolhoof probeer hy orde in sy lewe herstel, maar niks kon hom voorberei op die vurige rooikop wat sy rustige bestaan op sy kop gaan keer nie. Tussen misverstande, skerp woordewisselings, ‘n klein seuntjie met ‘n kettie en ‘n dorp wat graag inmeng, groei daar stadig iets wat geen van hulle verwag het nie. Maar kan twee mense wat so verskillend is, leer om mekaar se harte te vertrou? Liefste Perskedief is ‘n hartroerende liefdesverhaal vol humor, warmte, tweede kanse en karakters wat jou hart sal steel.
Reviews
There are no reviews yet.