Die beloop van die lewe, neem die leser op ’n kruistog van vele ontberinge en beproewings. Jacoba is vasgevang in ’n huwelik waar drank, kru taal en buite-egtelike verhoudings aan die orde van die dag is. Sy kom te staan voor een van die grootste besluite van haar lewe wanneer sy besef dat haar ongelukkige huwelik haar drie kinders baie skade aandoen.
Jacoba bly op haar knieë vir leiding van die Hoërhand, en op ’n dag kom die antwoord. Sy moet teruggaan plaas toe, na haar ouerhuis, en haar drie kinders in vrede en liefde alleen grootmaak.
Een Sondagoggend in die kerk, vang die man met die donker, geheimsinnige oë en rooi das Jacoba se oog. Na Ben, wil sy niks weet van enige man nie, maar Albertus is moeg vir alleenwees, en geleidelik breek hy die skanse om haar hart af. Die kinders geniet die plaaslewe en hulle is duidelik mal oor Albertus, en hy oor hulle. ’n Dogter word uit die huwelik gebore en soos wat die jare aanstap, bly Jacoba op haar knieë vir raad en leiding. Veral haar jongste seun, Poul, maak haar baie onrustig. Hy werk te hard en het ’n groot liefde vir wilde perde. Dan kom die oproep wat haar moederhart uitmekaarskeur: Poul het selfmoord gepleeg! Here, daar is soveel hoekoms en waaroms met geen antwoorde. Hoe staan ’n moeder weer op uit die moeras nadat haar lieflingskind besluit het om self ’n einde aan sy lewe te maak? Maar, die Heer se genade is groot. Hy het Jacoba opgelig uit die moeras en haar ’n nuwe doel in die lewe gegee.
Die donker geheim
Price range: R99.00 through R209.00Wanneer Annette na jare onverwags met haar bloedfamilie herenig word, lyk dit of ’n nuwe seisoen van hoop vir haar en haar kinders aangebreek het. Op die wynplaas La Roche vind hulle rus, liefde – en ’n tweede kans.
Maar onder die oppervlak borrel ou geheime, en die verlede klop aan met sy eie agenda. Die stil, geheimsinnige boekhouer, Bruce Dubois, het meer as net sy werk op die hart. Wanneer Annette se jongste dogter, Estelle, spoorloos verdwyn tydens ’n skou, word die gesin se wêreld onherroeplik geskud. ’n Kat-en-muis-speletjie volg – met tyd, vertroue en geloof as die enigste wapens teen ’n gewetenlose afperser.
Terwyl die gesin alles op die spel plaas om hul kind terug te kry, word die ware betekenis van liefde, volharding en genade getoets. En net wanneer alles verlore lyk, wys die Here se hand weer dat niks ooit te verlore is om te red nie …
Die donker geheim is ’n spanningsverhaal vol hart, familiekrag en die soeke na lig te midde van die donkerste nag.
Reviews
There are no reviews yet.