Die Dis

Wat begin het as ’n reeks van drie boeke, word Renosterspruit 1, 2 en 3 na publieke aanvraag in een boek uitgegee as ’n uiters spanningsvolle reis waarop die leser getrakteer word op alles wat ’n goeie spanningsverhaal vereis.

Rudi en Janneman, twee boesemvriende, werk albei vir dieselfde  sekerheidsmaatskappy. Tydens een nagskof bevind hulle hulself by ’n  ou, spookagtige winkelsentrum. Die vreemde gebeure by die winkelsentrum loop uit op ’n  verhaal wat oor jare strek. Die twee jongelinge begin hulle avontuur as opwindingsoekers en eindig uiteindelik as volwaardige polisiebeamptes van Renosterspruit.

Met ontvoerings, moorde, vreemde karakters en ’n  misterieuse bylmoordenaar, beloof hierdie spanningsverhaal om die lesers deurentyd op die punt van hulle stoele te hou.

Na ‘n baie traumatiese gebeurtenis in Pascal se lewe, spits hy hom toe op baie meer as die cannabis-handel en raak gou ‘n gehate teenstander in die onderwêreld. Daar is net een probleem, hulle kry hom nie in die hande om hom te elimineer nie.
Die familie word geskud deur ‘n paar ontdekkings uit die verlede. Sal hulle dit deurstaan? Sal Pascal dit regkry om sy oom se dood te wreek en self lewend daar uit te kom?