“Die lewe, my kind, is net soos ʼn pokerspel. Hy deel nie altyd vir jou goeie kaarte nie. Soms ontvang jy kaarte waarmee jy niks kan doen nie, kaarte wat jy nie wil hê nie.
Dan het jy nie ʼn keuse nie: jy kan daardie kaarte nie omruil vir ander, beter kaarte nie. Jy moet dit wat jy gekry het gebruik. Dis waar jy leer bluf. Jy kan jou omstandighede soos ʼn kleed om jou gooi en hangskouer deur die lewe gaan, óf jy kan jouself, en die wêreld, bluf deur ʼn glimlag op jou gesig te plak.”Anita Botha se jongmenslewe word omvergewerp toe haar pa onverwags sterf en hulle los met niks. Haar ma word die spot van die dorp en sy, ou Vuil Visser se dogter. Jare later kruis haar paadjie die van Melanie Mouton, enigste dogter van sendelingouers.
Melanie is ʼn moeilike kalant, ʼn rebel wat haar nie steur aan reëls nie. Sy wil net klaarmaak met skool sodat sy kan wegkom van die skool, die dorp en haar ouers wat haar eintlik nie wou hê nie.
Anita sien iets van haarself in Melanie. Sy herken haar seer, haar woede maar ook haar ongelooflike talent.
Die opstel wat Melanie in die Lewensoriëntering klas moet skryf verander haar lewe en vier jaar later kan sy doen wat Anita self moes leer doen – vrede maak met haar omstandighede en wees wie sy bedoel is om te wees.
Die lag in jou oë (Groot Druk)
R179.00Rita Botha vlug uit ’n verlede vol oordeel, stilte en seer, op soek na ’n nuwe begin. In ’n onbekende dorp, by ’n eenvoudige skool en in ’n klein tuinwoonstel, begin sy stadig weer asemhaal. Hier ontmoet sy mense wat haar nie ken vir wat ander oor haar gesê het nie, maar vir wie sy ís: ant Hartjie met haar oop hart, Pieter met sy stil krag, en vreemdelinge wat onverwags lig bring. Terwyl Rita haarself stukkie vir stukkie herontdek, moet sy ook die spoke van haar verlede in die oë kyk – ’n huwelik wat haar gebreek het, ’n dogter wat haar verwerp, en ’n geloof wat as wapen gebruik is. Die lag in jou oë is ’n aangrypende verhaal van verlies en genesing, van tweede kanse en die moed om weer te leef. Soms begin vryheid met iets eenvoudig: om net weer te lag.
Reviews
There are no reviews yet.