Lang pad na selfaanvaarding is ’n eerlike en diep persoonlike reis deur ’n lewe vol vrae, seer, geloof en uiteindelike hoop. Van ’n moeilike begin by geboorte, ’n kinderjare van eensaamheid en die voortdurende soeke na aanvaarding, tot die uitdagings van volwassenheid en die emosionele storms wat die lewe bring – hierdie verhaal neem die leser saam op ’n pad van selfontdekking. Teen die agtergrond van ’n veranderende wêreld en persoonlike krisisse, leer Ellibet om haar eie stem te vind en die stilte rondom innerlike stryd te verbreek. Met eerlikheid, humor en geloof deel sy haar verhaal sodat ander kan weet: jy is nie alleen nie. Hierdie boek is vir elkeen wat al ooit gewonder het of hulle goed genoeg is – en wat die moed soek om hul eie waarde te ontdek. Soms begin genesing eenvoudig met die eerste stap op ’n lang pad na selfaanvaarding.
Deurleefde dekades
Price range: R119.00 through R239.00Die verse en rubrieke in hierdie bundel saamgevat is geskryf tydens ons saamweestye en ná my man, Chris, se dood. Ons liefde vir mekaar, die natuur en ons daaglikse lewe word hierin weergegee.
Anderdag praat ek en ‘n vriendin oor mans. ‘n Man moet mens veilig laat voel stem ons altwee saam. As jy nie veilig voel nie, kan jy maar los. Veilig omdat jy weet hy sal saans seker maak al die deure is gesluit. Veilig omdat hy dié dinge onthou wat jy vergeet. Veilig omdat jy weet sy doen is beter as sy sê. Hy praat nie baie nie, hy doen baie. Hy kyk dat daar gereeld ‘n heerlike bottel Fenjal vir my in die badkamer is, hy koop hondekos as die sak begin leeg raak. Hy weet wat in die wêreld aangaan. Mens kan hom na enige plek toe vat, hy sal weet wat om vir wie te sê en ook wanneer hy net niks moet sê nie. Dis wat so lekker is van hom. Mens kan hom vertrou met jou lewe, jou buie en jou drome.
Reviews
There are no reviews yet.