Anika Herbst se ontmoeting met haar nuwe buurman, Jos Joubert, is rampspoedig. Om hom met ’n vrot perske te gooi, dra niks by om die situasie te red toe sy die volgende dag besef dat hy die nuwe skoolhoof is nie.
Die teruggetrokke klein Bennie se skielike spraaksaamheid verklap presies wat Jos van die rooikop onderwyseres dink. Vonke spat aanmekaar tussen hulle en hulle stamp kop om elke hoek en draai, totdat Jos naderhand nie meer weet wat hom getref het nie.
Anika kom op die punt waar sy voel dat sy nie langer in Geluksdal kan bly nie. Traumatiese gebeure ruk ’n klomp lewens deurmekaar en Jos maak ’n belofte wat veroorsaak dat hy sal moet terugstaan en Anika laat gaan.
Skoonlief en die rockster (Toeganklike Grootdruk)
R269.00Heinrich Malan, beter bekend as die berugte rockster Lincoln Ray, is gewoond aan die kollig, skandale en die onophoudelike aandag van aanhangers. Wanneer hy gedwing word om as gaskunstenaar by die gesogte Mejuffrou Ultima-kompetisie op te tree, verwag hy ‘n week vol oppervlakkigheid en irritasie. Andolene Myburgh is alles behalwe die tipiese skoonheidskoningin. As joernalis en boekliefhebber neem sy slegs deel aan die kompetisie omdat haar tweelingsuster haar oorreed het. Sy verlang na stilte, eenvoud en haar gewone lewe. Wanneer hulle paaie onverwags kruis langs ‘n rustige stroompie, ontdek hulle albei dat eerste indrukke gevaarlik misleidend kan wees. Agter die wilde rockster skuil ‘n man met ‘n sagte hart, en agter die rooikop skoonheid ‘n vrou wat weier om deur voorkoms alleen beoordeel te word. Maar kan liefde blom wanneer die wêreld voortdurend kyk, oordeel en inmeng? Of sal roem, geheime en verskillende lewens hulle uitmekaar dwing voordat hul verhaal werklik kan begin? ‘n Hartroerende liefdesverhaal vol romanse, humor, musiek en onverwagte tweede kanse.
Reviews
There are no reviews yet.