Dreigend staan die swart silhoeët in die verte met mis wat spookagtig uit die aarde trek. Viazma, ‘n ou asylum, met al sy geheimenisse en wreedhede weggesteek in ‘n diep donker woud. Die tweeverdiepinggebou het honderde vensters wat dreigend na die woud staar. Rondom die gebou is geen gras of blomme nie, net strak swart grond en hier en daar ’n boom wat eensaam en uitgedroog staan. Niemand mag weet van haar geheime nie. Wat alles binne haar bose hart aangaan nie. As jy eers oor haar drumpel getree het en haar giftige asem in jou nek gevoel het, is daar geen uitkoms vir jou nie. Soos legendes lui: As jy een oggend in Viazma opstaan en die bed langs joune is leeg – beteken dit nie die persoon is ontslaan nie…
Droomstories uit die Towerbos
R299.00Welkom in Towerbos – ’n betowerende plek waar elke aand ’n nuwe droom begin. In hierdie warm en hartroerende versameling stories ontmoet jy dapper vlermuise, vriendelike engele, vrolike muise, slim seesterre en baie ander wonderlike karakters wat die nag vol magie maak. Elke storie neem jong lesers op ’n sagte avontuur vol vriendskap, moed en hoop. Soms leer ’n klein vuurvliegie hoe om ’n lig in die donker te wees. Soms ontdek ’n hasie dat ware wonders in nuwe vriendskappe lê. En soms wys ’n tandmuis of ’n klein bytjie dat selfs die kleinste helde ’n groot verskil kan maak. Droomstories uit Towerbos is perfek vir slaaptyd-stories wat hartjies rustig maak, verbeelding laat vlieg en kinders herinner dat hulle kosbaar, veilig en geliefd is. Maak jou ogies sag toe, luister na die fluistering van die bos … en laat die droomavonture begin.
marsdrey –
Viazma is die eerste boek van Margaret wat ek gelees. Die rede: ek kon eenvoudig nie wag om te lees waaraan hierdie mooi vrou vir byna 25 jaar af en aan geskryf het nie.
Sy het my definitief verras. As jy van aksie hou, van die misterieuse wat grens aan ʼn riller, dan is hierdie definitief die boek vir jou.
Sy boei haar leser van die begin af met die manier waarop sy elke toneel met so ʼn tikkie misterie beskryf. Die hare in jou nek bly so half regop staan deurentyd.
Vir die wat dalk nou van mening is dat hulle niks van rillers hou nie, wel ek ook nie, maar hierdie is nie net ʼn riller of nie net misterie nie. Dit is ʼn pragtige verhaal van liefde, ouer liefde en die gemis van dierbares wat afsterwe.
Die mooi van nuwe liefde en ondersteuning. Die bekende van werknemers wat vol politiek en soms baie onregverdig kan optree.
Daar is eenvoudig nie een vervelige oomblik in hierdie verhaal nie. Net soos jy dink jy weet wat volgende gaan gebeur, dan vind jy gou uit jy het jou misgis.
Dit is ʼn moet lees boek, vol aksie en met ʼn verrassende einde. Baie geluk Margaret met hierdie puik stuk leesstof.
Marsofine Krynauw