Die dag toe Johan en sy maats by die rivier gaan piekniek hou het, kon hy nooit raai wat alles daar sou gebeur nie. Na daardie dag was die lewe nooit weer dieselfde vir hom nie.
Maande lank was hy in die hospitaal en het hy sy beste vriend verloor. Die lewe het vir hom ‘n groot nagmerrie geword! Hy moes leer om aan te pas by die lewe in ‘n rolstoel – iets wat hom woedend gemaak het. Hy is bitter omdat hy so afhanklik van ander mense is. Hy glo dat sy lewe nou in ‘n doodloopstraat beland het en dat daar niks goeds daarvan kan kom nie.
Toe sterf sy oupa en laat hy ‘n horlosie agter. Vir een of ander rede begin Johan dink dat hierdie horlosie glad nie so doodgewoon is nie, maar sy ouers neem hom nie ernstig nie – hulle spot selfs met hom daaroor!
Sal Johan ooit weer kan loop? Sal sy boesemvriend nie tóg die verlede agterlaat en weer vir hom kom kuier nie? En sal sy vriendin, vir wie hy so lief is, hom ooit raaksien? Dit is vrae wat hom pla, sal die horlosie dalk antwoorde bring.
Mooiste meisie van Swakopmund (Groot Druk)
Price range: R79.00 through R289.00Wanneer Lisa en haar suster, Bets, op vakansie by Swakopmund aankom, het sy geen idee dat haar lewe onherroeplik gaan verander nie. ’n Eenvoudige aand by die fliek bring haar oog in die van ’n vreemdeling vas – ’n man met die mooiste oë wat sy nog ooit gesien het. Sy belowe haarself sy sal hom nooit weer sien nie, maar die lot het ander planne.
Swakopmund se see, koue mis en helder sonlig word die agtergrond vir ’n verhaal van liefde, verlange en verlies. Lisa staan voor ’n nuwe begin: sy wil ’n blomwinkel koop en haar lewe hervorm, maar haar pad kruis telkens dié van Brand Fouché – ’n skilder met ’n geheimsinnige verlede en ’n hart wat diep wonde dra. Kan Lisa hom leer vertrou, of gaan sy ontdek dat party geheime te swaar is om saam te dra?
Die Mooiste Meisie van Swakopmund is ’n roman wat die fyn balans tussen hoop en hartseer, liefde en selfbehoud verken.
Reviews
There are no reviews yet.