Hoërskool is waar drome gedroom word en kleintyd vriendskappe vlerke kry. Dit besef beste maats Ruan en Tersia eers toe hulle Playstation-wars verander in ‘n stryd vir die ander een se hart! Om jonk, verlief en verlore te wees, het natuurlik sy uitdagings. As mens jonk is, wil jy soen. As mens te veel soen, wil jy ander dinge met die letter S begin doen wat baie aanlokliker lyk!
Is Ruan en Tersia gereed om die wilde rollercoaster te oorleef van ‘n egte tiener romanse wat bestaan uit oorweldigende gevoelens en vuurwarm begeertes? Hoe gaan hulle besluite hulle verhouding beïnvloed? Is hulle bestem om vir altyd net vriende te wees, of kan hulle begin glo aan ‘n sprokieseinde saam?
Beleef die rou emosie saam met Ruan en Tersia deur aan ons interaktiewe Tiener Drome en Spoke-reeks deel te neem en namens die karakters te besluit hoe hulle storie gaan eindig.
Reik na die Sterre
Price range: R89.00 through R209.00Rudi is nie soos ander tieners nie. Met sy misvormde voete en krom ruggraat word hy daagliks herinner aan sy
beperkinge. Waar sy broer Lofty die gewilde sportheld is, leef Rudi in die skaduwees – maar met ’n droom wat groter is
as die horison self: om eendag agter die stuur van ’n straler te sit.Teen alle verwagtinge trotseer hy spot, verwerping
en selfs sy eie ouers se ongeloof. Met ’n vasberadenheid wat geen grense ken nie, grawe hy homself in boeke, leef hy sy
passie uit in sy kamer en hou vas aan ’n toekoms wat ander onmoontlik ag.Maar drome vra opofferings, en die pad na die
sterre is geplavei met pyn, struikelblokke en moeilike keuses. Sal Rudi se wilskrag sterk genoeg wees om die wêreld
verkeerd te bewys – of sal die werklikheid sy vlerke sny voordat hy kan vlieg?
marsdrey –
Louis van der Merwe kry dit reg om die taal van die tiener te praat in hierdie boek. Sy vang die essensie van tiener-wees so eg vas. Die gesprekke is geloofwaardig en die storie prikkel dadelik die nuuskierigheid, met Tersia wat van die begin af nie seker is oor haar gevoel vir haar beste vriend van kinderdae af nie.
Die verhaal ontvou so natuurlik dat ek my geheel en al kon inleef en vereenselwig met die gebeure. Die wyse waarop die skrywer opsies gee aan die leser om te besluit watter storie lyn hulle wil volg, maar dit ekstra interessant.
Die manier waarop die storie ontvou, met net die regte hoeveelheid onsekerheid, opwinding, onderdrukking van emosies, misplaaste swak selfbeeld, verraad van ʼn vriendin, is alles so eie aan die wroegings van tieners. Dit alles dra by tot die werklikheid gevoel wat jy kry as jy die verhaal lees.
Dat hierdie nie net nog ʼn tiener liefdesverhaal is nie, is gewis. Dit is ʼn boek met ware emosies, ware keuses en ware gevolge. Beide storielyne beklemtoon dat die keuses wat jy maak òf jou lewe kan verwoes òf die sukses en geluk van jou lewe kan bepaal.
Ruan en Tersia se stryd om hul emosies te beheer ten spyte van hul beginsels en wat hul weet reg is, is puik weergegee.
Die omslagtige manier waarop die skryfster die keuses met hul gevolge weergee, is verfrissend en maak dit net nog meer treffend.
Ek het geen twyfel dat hierdie ʼn boek is waarby enige tiener baat sal vind nie. Wat enige tiener wie sukkel met die druk waaronder hulle geplaas word, sal help om te verstaan wat die gevolge van verkeerde keuses. Tog ook sal help om te verstaan dat die keuse om ʼn sukses van jou lewe te maak in jou eie hande is. Dat ouers meer wysheid en ondervinding het, en dat hul preek omdat hulle omgee.
Dit is ʼn uitstekende verhaal en meer uniek omdat dit die twee teenoorgestelde uitkomste van ʼn besluit so pragtig uitbeeld word.
Marsofine Krynauw