Hierdie spanningsverhaal ontvou teen die agtergrond van 1987 se onstuimige politieke klimaat. Die raaisel begin met die tragiese neerstorting van die Helderberg, gevolg deur geheimsinnige voorvalle oor verskeie lande heen: ’n joernalis verdwyn in Tsjaad, ’n Franse diplomaat sterf onder vreemde omstandighede in Botswana, en ’n geheimsinnige man verdwyn in Jerusalem. Intussen ontvang ’n afgetrede Mossad-agent ’n gekodeerde boodskap, en ’n vreemde vliegtuig land by Waterkloof. Wie stuur ’n roosblaar as waarskuwing? Wat verbind al hierdie gebeure? Is dit toevallige insidente of dele van ’n veel groter geheime komplot?