Op die plaas sorg drie hane vir groot opwinding, veral die wit haan wat sommer gou baklei. Iemand sien sy humeur en besluit om pret te hê – maar hoekom skrik Haan so vir ’n hemp op die gras? Intussen wil Dollie gaan swem sonder om na Ouma of Haan te luister – gaan sy haar les leer voor sy in die moeilikheid beland? En hoekom raas die alarm elke oggend so vreeslik? Ron en Rudie gaan ondersoek instel … as hulle dapper genoeg is!

Op Oupa Thys se plaas wag avonture op die kuikens Elsa en Wimpie. Wimpie wil graag nuwe dinge ontdek, maar is nog bietjie skrikkerig. Groot opwinding breek uit toe ’n vreemde nuwe haan op die werf verskyn – sonder vere! Ná ’n reënbui verander die plaas, stroompies vloei oral en die kuikens ontdek iets grillerig. ’n Skielike vloed in die vrugteboord gee vir Wimpie en Paul ’n noue ontkoming, terwyl Elsa se visdam-avontuur ’n belangrike geheim verklap!