Sanja Sandrucci, ‘n wêreldbekende modeontwerper, verlaat haar glansryke loopbaan en beland onverwags in die
meubelbedryf. Sy koop haar nuwe sakevennoot, Ronnie, se aandele sonder om te weet dat sy medevennoot, Louw, niks van
die transaksie af weet nie. Die spanning tussen Sanja en Louw is onmiddellik tasbaar, vererger deur Louw se skeptisisme
oor haar vermoë om ‘n bydrae tot die besigheid te lewer…
Wanneer Beverley Kemp en haar broer Chrisjan in hul oorlede ouers se staptoerusting op ’n geheimsinnige skatkaart
afkom, is Beverley oortuig dat dit die sleutel tot ’n verlore skat in die Sederberge is. Terwyl Chrisjan die soektog
opgee om sy huwelik te red, dring Beverley vasberade voort en volg die leidrade van ’n raaiselagtige gedig. Maar wat
begin as ’n avontuurlike skattejag, verander vinnig in ’n nagmerrie wanneer sy op ’n skat afkom wat blykbaar aan iemand
anders behoort—’n gevaarlike man genaamd Alexander. Ontvoer en gedwing om die skuilplekke van die skat bloot te lê,
moet Beverley al haar vernuf gebruik om te oorleef. Met haar broer se lewe op die spel en die skaduwee van ’n
internasionale misdaadsindikaat wat oor haar hang, raak haar soeke na antwoorde ’n stryd om oorlewing. Kan sy ’n uitweg
vind voordat dit te laat is?
As Onkoloog word dr. Karli baie hoog aangeskryf en leef sy net vir haar werk en pasiënte. Haar lewe verander skielik toe haar pad kruis met die van ‘n baie aantreklike Chirurg. Hy raak dadelik verlief op die beeldskone Karli, maar omstandighede maak dit moeilik vir hulle om bymekaar te wees. Tog, die liefde oorwin altyd en dit is nie lank voor dr. Malan Eybers haar hart wen nie. In die tweede laaste jaar van die dogters se skoolloopbaan, verander hulle lewens drasties toe Karli en die dogters in ‘n motorongeluk betrokke is. Karli, wat ‘n geruime tyd siek voel, word met kanker gediagnoseer en haar hele lewe tuimel inmekaar. Waar sy soveel mense in die verlede gehelp het, moes sy nou self die kankermonster veg. Die lewe deel soms moeilike kaarte uit en Karli leer die stryd tussen lewe en dood ken. Pyn en lyding word deel van haar daaglikse bestaan, maar sy leer ook wonderlike mense ken in hierdie tyd. Die dood wag vir niemand nie en vra nie vrae nie. Soms sterf mense jonk, ander weer baie later, maar bowenal, niks kan ons van God se liefde skei nie.
Magdaleen Viviers se opwindende romanse volg Jeanie Riekert, wat sedert kleintyd Hannelie se jaloesie hanteer. Wanneer Hannelie egter die onbewuste Dawid Adendorff – Jeanie se liefde – teiken, ontaard alles in ‘n stryd van leuens en bedrog. Jeanie moet die geheime van hul verlede ontbloot om haar liefde en onskuld te bewys. Sal sy Hannelie se manipulasie oorleef?
In Magdaleen Viviers se opwindende roman, Beminlike Rissiepit, word lesers op ‘n wilde reis van liefde, vasberadenheid en chaos geneem.
As jy hou van stories waar die liefde se pad nie maklik is nie en karakters diep moet delf om hul pad te vind, dan is hierdie boek vir jou!
Mia de Waal se lewe stort in duie wanneer sy haar man se verraad ontdek – op dieselfde dag wat sy uitvind sy is
swanger. Met ’n gebroke hart, twee tasse en ’n bietjie kontant vlug sy na die Karoo om oor te begin. In Graaff-Reinet
waag sy dit om haar eie blommewinkel oop te maak, vasbeslote om op haar eie bene te staan en vir haar ongebore baba ’n
toekoms te skep. Herman le Roux is ’n boer met sy eie krisis. ’n Ongewone testament plaas hom voor ’n onmoontlike
keuse: trou binne ’n beperkte tyd, of verloor alles waarvoor hy en sy ouma geswoeg het. Wanneer Herman en Mia se paaie
onverwags kruis, ontstaan ’n plan wat albei se probleme kan oplos…
In Tyd van die Leeu, deur Sybie Kleynhans, volg ons die lewe van Gerhard Brandt, ’n stoere Vrystaatse boer met ’n
donker verlede en ’n hart vol geheime. Wanneer sy geliefde, Chiara, ‘n Italiaanse magnaat met groot ambisie, besluit om
hulle romantiese idille vir ‘n wêreld van luuksheid en besigheid op te gee, word Gerhard gedwing om sy prioriteite te
hersien. Terwyl spanning tussen hulle toeneem, word hulle lewens ingewikkeld deur die dreiging van kriminele invloede
en politieke spanning binne ’n geheimsinnige beweging…
Tersia Vermeulen het ‘n droom: om ‘n volbloed-perdeboer te wees. As gekwalifiseerde veearts weier sy om agter ‘n
lessenaar vasgevang te word — sy vermom haarself as ‘n man en neem ‘n pos aan op die mees gesogte stoetery in die land.
Maar Kobus Verbeeck, die hardekwas eienaar, het geen liefde vir vroue op sy plaas nie, en glo nie dat hulle hul plek
tussen perde in die werf ken nie. Tog is Tersia vasberade om hom anders te wys. Te midde van stugte bevele, vurige
perde en verdagte oë, begin ‘n stille respek tussen die twee vorm. Sal Tersia se geheime haar ondergang wees, of sal
haar kennis en passie haar red?
Tien jaar na hul egskeiding word Moeschke Lategan se grootste vrees bewaarheid toe Brink weer onverwags terug is in Suid-Afrika. Sy verhuis Boland toe in die hoop dat hulle paaie nooit sal kruis nie, maar die noodlot bepaal dit anders. Al die ou verwyte en seer is steeds daar, maar nou is daar iemand anders om mee rekening te hou: hul dogter, Amoré, van wie Brink nooit geweet het nie.
Terwyl Elmarie van Zyl as onderwyser na haar tuisdorp terugkeer, hoop sy dat niemand haar sal herken na al die teleurstellings en vernederings wat sy as jong meisie ervaar het nie. Maar toe sy uitvind wie nog op die personeel dien, is sy geskok. Min weet sy, Braam du Pré, nou die hoof van die hoërskool, het ook teruggekeer om vrede vir sy gekwelde siel te vind. En terwyl hy van aangesig tot aangesig met ‘n paar bekende geelbruin oë kom, besef hy dat sy hart haar nog nooit vergeet het nie. Maar sal hy na al die jare haar liefde kan wen?
Anika Herbst is die sonstraal van Geluksdal – vrolik, spontaan en altyd gereed vir ‘n nuwe avontuur. Ná ‘n droomvakansie keer sy terug huis toe, net om haarself binne ure in die grootste moeilikheid denkbaar te bevind: ‘n val uit ‘n perskeboom, ‘n verstuite enkel, en ‘n onverwagte botsing met haar nuwe buurman. Jos Joubert het na Geluksdal gekom om sy verlede agter te laat. As die nuwe skoolhoof probeer hy orde in sy lewe herstel, maar niks kon hom voorberei op die vurige rooikop wat sy rustige bestaan op sy kop gaan keer nie. Tussen misverstande, skerp woordewisselings, ‘n klein seuntjie met ‘n kettie en ‘n dorp wat graag inmeng, groei daar stadig iets wat geen van hulle verwag het nie. Maar kan twee mense wat so verskillend is, leer om mekaar se harte te vertrou? Liefste Perskedief is ‘n hartroerende liefdesverhaal vol humor, warmte, tweede kanse en karakters wat jou hart sal steel.
Wanneer Lukas en Nadia oogkontak maak ontplof die universe. Wat ‘n perfekte kombinasie, die Kunsgeskiedenis professor en kuns kritikus. Omstandighede maak dit duidelik dat hulle vir mekaar gebore is. Dan gebeur die onvoorsiene, Nadia kom tot haar eie gevolgtrekking en vlug. Haar paaie kruis met die skatryk cassino eienaar, maar haar hart smag na ‘n man met ‘n donker baard. Sy moet ‘n besluit neem, Heinrich verstaan nie hoekom sy bly weifel nie. Hy verwag ‘n antwoord van haar, hy het haar lief. Wat van Lucas?
Sy sal besluit na die kunsuitstalling. Is dit wat die toekoms vir haar inhou?
Wat van Lucas? Het hy vergeet van die liefde in sy lewe?
Siegfried, ‘n eenstrotse man, leef afgesonder op ‘n strand naby die Kaap, sy hart verstrengel in die verlange na sy verlore vrou, Jovanna. Ná jare van wag op ‘n skip wat haar terug sou bring, begin sy hoop vervaag. Wanneer Lillie, ‘n fyn, dog sterk vrou, in sy lewe verskyn, verander alles. Haar warmte en deursettingsvermoë bring ‘n nuwe doelwit vir hom. Stadig maar seker word hy losgeruk uit sy selfopgelegde isolasie. Die verhaal kronkel deur verlange, aanvaarding en die uiteindelike bevryding van die verlede. Siegfried ontdek ’n nuwe lewe, ‘n familie wat hy nooit verwag het nie en ‘n tweede kans op liefde en tuiskoms. Die Hoop Beskaam Nie is ‘n verhaal van verlore drome, rou pyn en die onverwagte skoonheid van ‘n nuwe begin.
Hierdie hartroerende romanse begin wanneer Nienke besluit om haar April-vakansie by haar geliefde oom deur te bring, bekommerd oor sy skielike en vreemde gedrag. Min weet sy dat haar besoek ‘n selfbehepte sanger, Lukas, in haar oom se huis en lewe sal ontbloot, en totale chaos sal veroorsaak.
Die drie en twintig jarige Amy bly in Gauteng en bevind haar in ʼn posisie waar sy nie langer kan bly nie. Haar bekende
pa toer in Nederland en sy wend haar na die moderne tegnologie vir ʼn oplossing. Sy klik impulsief op ’n profiel met die
naam Goliat. ’n Eenvoudige boodskap verander haar lewe: “Trou met my asseblief?” Wat begin as ’n ontsnapping, word gou
iets dieper. Ruan, die rustige boer met ’n geheime plan, wil hê sy nuwe vrou moet hom leer ken vir wie hy is – nie vir
die rykdom wat agter sy naam skuil nie. Maar twee mense uit verskillende wêrelde dra albei geheime, en die waarheid kan
hul liefde bou…
Toe Trudie van den Broek onverwags hoor dat sy die dogter is van ’n onbekende Portugese vader, verander haar lewe
onherroeplik. Sy erf nie net ’n groot plaas aan die voet van die Soutpansberge nie, maar ook ’n duister geheim wat soos
’n gif deur geslagte vloei. Kort ná haar vriendin se geheimsinnige dood ontvang sy ’n bloedbevlekte waarskuwing: “Vat
jou goed en trap.” Wat begin as ’n reis om haar erfenis te ontdek, ontaard in ’n nagmerrie van moord, bedrog en wraak.
Iets of iemand waak oor Mount Nest — en die maan huil bloed oor almal wat daar kom.
