Boodskap aan ons digters en nageslag
Uit die blou van onse hemel, uit die diepte van ons see, oor ons ewige gebergtes, waar die kranse antwoord gee… kom die mooiste klanke van ons Moedertaal, Afrikaans. Afrikaans is die taal van die digkuns en Die Nuwe Era Groot Verseboek 2023 is weereens ’n bewys daarvan. Tog spreek die digkuns die emosionele kant van ons menswees aan daarom is dit die taal van ons hart en los ons dit as erfenis. Eendag sal ons nageslag besef hul hartskamer is vol woorde-erfgoed wat kleur aan die lewe geeen wanneer die digter ons verlaat en die herinnering stadigaan kwyn, bly die woorde die werklikheid wat Afrikaans sal staande hou. Mag ons woorde altyd lewendig gehou word deur die digkuns.

So met die tyd saam, het die idee van ‘n nuwe Groot Verseboek ontstaan. Ons Groot Meesters was die baanbrekers wat gelei het dat daar vandag meer en meer nuwe digters na vore kom. En ek glo dat hierdie verseboek die brug vorm tussen die Groot Meesters en vandag se digters wat ‘n ander vorm van poësie aan ons bring.
Hierdie is ‘n bundel wat spreek van 38 digters se uitkyk op die lewe, jeugjare, die besef van sterflikheid, speel met woorde, sosio-politiese kwessies, die ontginningsproses van die biologiese en psigologiese wortels van die self en die mens, en die impak en waarde wat woorde op die mens het. Mag die digkuns ewig voortleef in ons harte en deur ons pen.
Samesteller: Heleen Malherbe

Stap Saam Deur 2021 – Bundel 2
Terwyl ek so deur die gedigte gaan kon ek nie help om spontaan aan Sonja Herholdt se liedjie Loop saam loop saam deur my lewe… te dink nie. En dit is presies wat ons doen deur saam te stap deur 2021. Ons beleef saam met elke digter die emosie en die woorde.
2021 was veronderstel om ons gesond-word-jaar te wees maar weereens was dit nie ons wil nie. Daar is altyd ʼn groter doel vir ons beskik. Ons trap diep spore in die digkuns-wêreld en ons los ons nalatenskap aan ons naaste asook ons taal. Maar ek glo nie enige van die mense sal ooit verstaan waarvandaan ons woorde kom nie. Hoe diep ons moet delf, beleef en selfs leef om die seer, die blydskap, vreugde en hartseer neer te skryf nie.
Mag hierdie stel bundels van 2021 jul herinneringe lewendig hou.

Hierdie bundel, Roos vir ’n Engel, betower die leser met ’n diep emosionele reis deur liefde, verlies, geloof en vergifnis. Die gedigte balanseer intieme persoonlike refleksie met universele temas, wat ’n sterk indruk laat. Versreëls soos in “Sonder Jou” en “Doringkroon” skets beeldryk die pyn van eensaamheid en die troos van geestelike oorgawe. Die digter se vermoë om poëtiese taal met emosie en geloof te verweef, maak die bundel ’n roerende leeservaring. Sommige gedigte spreek tot die rou werklikheid van verlies, terwyl ander hoopvol skyn soos die eerste sonstrale van ’n nuwe dag. Hoewel die taalgebruik soms archaïes is, dra dit by tot die unieke estetiese ervaring. Roos vir ’n Engel is ’n bundel wat beide die hart en die siel aanspreek.

Met hierdie twee bundels sluit ons die Reis deur 2020 af, alhoewel Covid 19 nog steeds deel van ons lewe is. Woorde bring soveel vertroosting in enige vorm in ‘n gedig.. So leer ons baie uit digters se woorde wat hulle deurgemaak het in die tyd van seer en geluk.Tog is die nag se draai iets wat ek begeer die eenwees met myself… waar die woorde soms verbygaan soos Icarus se vlugwaar die hemelpoorte oopmaak en mis oor ons daal hang ek my gebreekte psalms aan elke nagstraal want ek weetdit word gehaal om na te luister as my prewel opwaarts gaanen rus ek in die wete ons lewe het omgedraai.

In Sjokolade Mym’ring word die leser genooi om saam met die digter op ‘n introspektiewe reis te gaan — een wat die alledaagse omskep in iets heiligs. Met ‘n koppie koffie in die hand en die sagte geur van sjokolade in die lug, ontvou die gedigte soos momente van stilte en sielsverkenning. Hier word herinneringe, verlange, liefde, rou en vrouwees met fyn gevoeligheid ondersoek. Die bundel is ’n viering van klein oomblikke—’n kyk na ’n kamerplant, die stilte van alleen wees, die smaak van heimwee. Elke gedig is ’n asemhaling, ’n stilte, ’n stukkie waarheid. Dis ’n versameling wat jou nie net laat lees nie, maar laat voel. Ideaal vir liefhebbers van dromerige bepeinsing, wie se siele resoneer met die sagte klanke van taal wat nie wil skree nie, maar fluister.

Spore wat ons trap, spore agtergelaat, spore teen ʼn Namib rooiduin se sandspore teen die rante van Namakwalandspore oor die son, sterre en maan, spore van die liefde agtergelaat en oor sovele ander dinge wat sovele sal verstaan, spore in die nagspore in die dag spore regoor die Namib ook oor Namakwaland oor die gemsbok en die blommeprag. Al hierdie spore en meer het ek getrap, kom stap nou saam op my spore en vind dalk jou eie daar …