Boodskap aan ons digters en nageslag
Uit die blou van onse hemel, uit die diepte van ons see, oor ons ewige gebergtes, waar die kranse antwoord gee… kom die mooiste klanke van ons Moedertaal, Afrikaans. Afrikaans is die taal van die digkuns en Die Nuwe Era Groot Verseboek 2023 is weereens ’n bewys daarvan. Tog spreek die digkuns die emosionele kant van ons menswees aan daarom is dit die taal van ons hart en los ons dit as erfenis. Eendag sal ons nageslag besef hul hartskamer is vol woorde-erfgoed wat kleur aan die lewe geeen wanneer die digter ons verlaat en die herinnering stadigaan kwyn, bly die woorde die werklikheid wat Afrikaans sal staande hou. Mag ons woorde altyd lewendig gehou word deur die digkuns.

Die Nuwe Era Groot Verseboek 2024 skakel emosies om in taal en skep ‘n lewendige en intense verbinding met elke leser.
Mag ons Moedertaal Afrikaans, ons daardie ervaring gee in hierdie bundel.
die groot nag vou oorhoofs, waar ek voor my lessenaar my oë opslaan na die hemel, die woorde rondspoel voor my en, dit dan een-vir-een uitspoeg teen die naghemel sodat dit kan vlieg, in stil bewegings van skryf, dit saamhang as my nalatenskap hier, verewig op die wit papier.

Stap Saam Deur 2021 – Bundel 2
Terwyl ek so deur die gedigte gaan kon ek nie help om spontaan aan Sonja Herholdt se liedjie Loop saam loop saam deur my lewe… te dink nie. En dit is presies wat ons doen deur saam te stap deur 2021. Ons beleef saam met elke digter die emosie en die woorde.
2021 was veronderstel om ons gesond-word-jaar te wees maar weereens was dit nie ons wil nie. Daar is altyd ʼn groter doel vir ons beskik. Ons trap diep spore in die digkuns-wêreld en ons los ons nalatenskap aan ons naaste asook ons taal. Maar ek glo nie enige van die mense sal ooit verstaan waarvandaan ons woorde kom nie. Hoe diep ons moet delf, beleef en selfs leef om die seer, die blydskap, vreugde en hartseer neer te skryf nie.
Mag hierdie stel bundels van 2021 jul herinneringe lewendig hou.

Met die nader sleep van die notaboekie val my oog op die skaduwee van ‘n groot boom. En ek merk hoe rustig ‘n klein voëltjie, ongesteurd, saadjies en wurmpies oppik en die skadukol ten volle benut.
Dit kom by my op dat die Here die skaduwee aan ons regterhand is. Dat Sy Liefde die Groot ‘koelteboom’ is waaronder ons kan voortgaan…of ons saadjies of wurmpies optel en of ons net klein bietjie rus… Hy bied daardie stilte, kalmte en koelte aan, sodat ons, soos die voëltjie, kan ontspan. Sy alomteenwoordigheid sal altyd by ons bly as ons kies om in Sy koelte te rus.
My begeerte is dat ons altyd soekend sal wees na die onverganklike goedheid en getrouheid van die Heer en dat die kleurvolle Reënboog van Sy Genade altyd vir ons ‘n nuwe Belofte in sal hou!

Liewe leser,
Dit is só ‘n voorreg om my gedagtes vir jou neer te lê. Baie dankie dat jy moeite doen om hier te lees. Jy, die leser van hierdie gedigte, is baie kosbaar!
Neem die boek as jy saam met my wil droom en net lekker ontspan. En wanneer jy die Bybelse gediggies lees, gaan saam met my na jare, onbekend vir meeste van ons, maar tog so dieselfde op ‘n meer moderne manier. Baie van die Bybelse verhale is vergete en hiermee probeer ek dit weer bietjie nader bring.

Elke jaar in Aprilmaand word ons as gelowiges opnuut herinner aan die offer van ons Heer en Heiland, Jesus Christus, aan die kruis op Golgota. Daar waar die sondelose Een, sonde geword het in ons plek, gely het in ons plek, en gesterf het in ons plek. Daar waar Hy uitgeroep het “Tetelestai!” wat beteken “Dit is volbring!” Drie dae later het Hy met krag en majesteit uit die dood opgestaan en in oorwinning uit die geopende graf herrys, om aan ons die belofte van die Ewige Lewe te gee, en om God die Vader se stempel van goedkeuring op Sy reddende werk te plaas.Maar hoekom moet ons dit net eenkeer per jaar hoor, eenkeer per jaar herdenk? Hier het ons ‘n bundel gedigte wat ons elke dag kan lees, wat ons elke dag kan herinner aan die grootste offer in die geskiedenis van die heelal, en aan die oorwinning oor sonde en die dood.