Wanneer ‘n man alles verloor — sy huis, sy gesin, sy trots — bly net die stilte van die nag en die hoop op ’n nuwe begin. Liefde na die Winter vertel die aangrypende verhaal van Kobus Fourie, ‘n eens suksesvolle man wat die slagoffer word van ‘n verbruiksug wat hom nie meer kan onderhou nie. Sy vrou en seun, wat hy jare lank onderhou het, draai hulle rug op hom toe hy hul krediet sny. Maar wanneer die lewe hom alles ontneem, vind hy iets kosbaarders as besittings: innerlike vrede, ware vriendskap en die moed om weer op te staan.
Engela de Bruyn se verhaal is ‘n rou, eerlike blik op verlies, trots en die pynlike pad na selfontdekking. Kobus se reis is nie net een van oorlewing nie, maar van genesing — en dalk, net dalk, die kans op liefde ná die winter.

As Onkoloog word dr. Karli baie hoog aangeskryf en leef sy net vir haar werk en pasiënte. Haar lewe verander skielik toe haar pad kruis met die van ‘n baie aantreklike Chirurg. Hy raak dadelik verlief op die beeldskone Karli, maar omstandighede maak dit moeilik vir hulle om bymekaar te wees. Tog, die liefde oorwin altyd en dit is nie lank voor dr. Malan Eybers haar hart wen nie. In die tweede laaste jaar van die dogters se skoolloopbaan, verander hulle lewens drasties toe Karli en die dogters in ‘n motorongeluk betrokke is. Karli, wat ‘n geruime tyd siek voel, word met kanker gediagnoseer en haar hele lewe tuimel inmekaar. Waar sy soveel mense in die verlede gehelp het, moes sy nou self die kankermonster veg. Die lewe deel soms moeilike kaarte uit en Karli leer die stryd tussen lewe en dood ken. Pyn en lyding word deel van haar daaglikse bestaan, maar sy leer ook wonderlike mense ken in hierdie tyd. Die dood wag vir niemand nie en vra nie vrae nie. Soms sterf mense jonk, ander weer baie later, maar bowenal, niks kan ons van God se liefde skei nie.