Elke oggendstond het ʼn soort heiligheid – daai gevoel van God hoor my. Ek beskou vrouwees soos jakarandas wat bloei, so ook bloei die vrou, party met ʼn nikssiende leë blik, ander met ʼn oordadige maskerspel en party met sielswoorde en ander met trane en depressie. En daardie gevoel word uitgestort in woorde, soos in hierdie bundel.Saggies kom die gedagte by my op: Wat is die vrou, dat God aan ons dink, Sy genade uitstort? Dit is die heiligheid van vrouwees elke oggend – ʼn tapyt van genade wat ons omring.In hierdie bundel Feminite (vrouwees) beleef ons die vrou se waarde maar ook haar vrese, blydskap, hartseer en dan die liefde. Ons as vrou kan met oorgawe liefhê, ons emosies baie duidelik wys, en hier is die bewys.

Elke jaar in Aprilmaand word ons as gelowiges opnuut herinner aan die offer van ons Heer en Heiland, Jesus Christus, aan die kruis op Golgota. Daar waar die sondelose Een, sonde geword het in ons plek, gely het in ons plek, en gesterf het in ons plek. Daar waar Hy uitgeroep het “Tetelestai!” wat beteken “Dit is volbring!” Drie dae later het Hy met krag en majesteit uit die dood opgestaan en in oorwinning uit die geopende graf herrys, om aan ons die belofte van die Ewige Lewe te gee, en om God die Vader se stempel van goedkeuring op Sy reddende werk te plaas.Maar hoekom moet ons dit net eenkeer per jaar hoor, eenkeer per jaar herdenk? Hier het ons ‘n bundel gedigte wat ons elke dag kan lees, wat ons elke dag kan herinner aan die grootste offer in die geskiedenis van die heelal, en aan die oorwinning oor sonde en die dood.

Elkeen van ons het ons afgesonderde hartskamers. Dis die emosies wat ons koester wanneer niemand teenwoordig is nie, wanneer dit jy en jou gedagtes is wat alleen gelaat word in die middernagtelike ure, Jou hartskamers is die donker hoeke van jou hartswese, die geheime en sentiment wat jy saam met jou dra soos die son vervang word deur die maan.

In hierdie treffende digbundel gee Amor Vorster stem aan die stille strewe, die brose wonde, en die kragtige weerklank van die menslike siel. Resonans II is ’n reis deur emosie, geloof, identiteit en herinnering — elke vers ‘n stukkie lig en donker, ’n klankbord vir elke leser se eie innerlike waarheid. Met woorde wat ryk vloei en beelde wat lank ná die laaste bladsy bybly, skep Vorster ’n poëtiese ruimte waar pyn en hoop, vrae en verligting hande vat. Hierdie bundel is ’n weerklank van die lewe self — onbepaald, intens en eg.

Bokdrol in die pad is ’n versameling van gedigte wat oor die emosie en die lewe gaan. Daar is kabouterlesse en arend motiewe ingeskryf. Jy gaan lees van die rooimiersoldaat en hoe die bokdrol voel. Dis gebaseer op ’n warboel van emosie wat in ’n unieke styl boodskappies van die hart na die leser oordra. Elke gedig is ’n blik wat ek het op die lewe. Sorg dat jy soos die wingerdstok aan God vashou, dan hoef jy jou nie te vergryp aan onwaarskynlike pilare nie. Sien die mooi eerste raak, want daar is genoeg ander mense wat die sleg uitwys. Vergewe om jouself vry te maak en los die straf in God se hand. Hy is regverdig. Moenie toelaat dat ander mense wan jou gedagtewêreld ’n tronk maak nie, dis nie hul wat daar moet leef nie… Dis jy.

I’ve always wanted to write. At school I would write plays, poems, and short stories. Fortunately, I had Principals who also loved writing. They were my first mentors and inspiration in picking up my pen.  After my busy career of 30 years with an international electronics company, I decided to start writing full time. My first two adult novels were published, and then two children’s books – ages 5-10. Each book contains three stories on the same little boy. In between I started writing poems. Thus this book of poetry.