Derick en Chrisna kondig hul voorgenome huwelik aan.Surita se wêreld spat weer uitmekaar. Hoeveel keer boet een mens vir ‘n oortreding waaraan jy onskuldig is? Surita besef dat daar nooit ‘n bladsy uit jou lewensboek geskeur kan word sonder dat die littekens agterbly nie. Geen boek kan ooit toegemaak word voordat die verlore bladsye teruggeplaas kan word nie.

Die storie bied ‘n kombinasie van avontuur, emosionele drama en ‘n tikkie romanse, waar die dinamiek tussen die vrye gees van die boemelaar en die gestruktureerde lewe van die dame kernkomponente vorm.

Cleo is so kwaad vir haar man omdat hy haar vir so lank vir die gek gehou het. Sy wat nog altyd so hoogmoedig trots was op haar sexy man wie se hande vir niks verkeerd staan nie. Sy het bederf gevoel deur hierdie sagte man wat nooit sy emosies en pyn wegsteek nie. Hy voel dinge soos geen man wat sy ken dit voel nie, daarom kon hulle twee so lekker connect met mekaar. Die Vader weet! Sy is lief vir Jaco Eretze!
Hoe kon hy dit aan haar doen! Hoe op aarde kon verraad vastrap plek in hul huwelik kry

Diamante wat fluister is n sielroerende spanningsroman wat jou vasgryp en nie weer loslaat nie. Sonia Mouton is n eensame vrou aan die vooraand van haar aftrede moeg vir alleen wees en vatbaar vir die warm woorde van n man wat haar nog nooit in die o gekyk het nie. Wanneer professor Damion Marx, n ryk en charismatiese argeoloog, haar uitnooi om haar lewe agter te laat vir n toekoms saam met hom in die hart van die Namib, begin Sonia haar tasse pak maar is alles regtig soos dit lyk?

In Kroonville verdwyn n vrou spoorloos. n Jong konstabel begin vrae vra wat niemand anders vra nie. Hoe hou haar verdwyning verband met die geheimenisse van die woestyn en die eksotiese plaas Blinkpan? Terwyl die woestyn haar asem ophou, ontvou n verhaal van liefde, bedrog, en verlore identiteit. Kan liefde blind wees vir gevaar? Of is dit juis in die fluistering van diamante dat die waarheid verklap word?

Jacoba is vasgevang in ’n destruktiewe huwelik, maar kies om haar drie kinders alleen op die plaas in liefde groot te maak. In haar soeke na vrede vind sy hoop en liefde by Albertus. Hoewel die gesin geluk beleef, worstel sy met bekommernis oor haar jongste seun, Poul, wie se selfdood haar wêreld verpletter. Temidde van rou en vrae sonder antwoorde, ervaar sy die Here se genade wat haar ophef en ’n nuwe doel in die lewe gee.

Wanneer Annette na jare onverwags met haar bloedfamilie herenig word, lyk dit of ’n nuwe seisoen van hoop vir haar en haar kinders aangebreek het. Op die wynplaas La Roche vind hulle rus, liefde – en ’n tweede kans.

Maar onder die oppervlak borrel ou geheime, en die verlede klop aan met sy eie agenda. Die stil, geheimsinnige boekhouer, Bruce Dubois, het meer as net sy werk op die hart. Wanneer Annette se jongste dogter, Estelle, spoorloos verdwyn tydens ’n skou, word die gesin se wêreld onherroeplik geskud. ’n Kat-en-muis-speletjie volg – met tyd, vertroue en geloof as die enigste wapens teen ’n gewetenlose afperser.

Terwyl die gesin alles op die spel plaas om hul kind terug te kry, word die ware betekenis van liefde, volharding en genade getoets. En net wanneer alles verlore lyk, wys die Here se hand weer dat niks ooit te verlore is om te red nie …
Die donker geheim is ’n spanningsverhaal vol hart, familiekrag en die soeke na lig te midde van die donkerste nag.