Met die nader sleep van die notaboekie val my oog op die skaduwee van ‘n groot boom. En ek merk hoe rustig ‘n klein voëltjie, ongesteurd, saadjies en wurmpies oppik en die skadukol ten volle benut.
Dit kom by my op dat die Here die skaduwee aan ons regterhand is. Dat Sy Liefde die Groot ‘koelteboom’ is waaronder ons kan voortgaan…of ons saadjies of wurmpies optel en of ons net klein bietjie rus… Hy bied daardie stilte, kalmte en koelte aan, sodat ons, soos die voëltjie, kan ontspan. Sy alomteenwoordigheid sal altyd by ons bly as ons kies om in Sy koelte te rus.
My begeerte is dat ons altyd soekend sal wees na die onverganklike goedheid en getrouheid van die Heer en dat die kleurvolle Reënboog van Sy Genade altyd vir ons ‘n nuwe Belofte in sal hou!

Met hierdie twee bundels sluit ons die Reis deur 2020 af, alhoewel Covid 19 nog steeds deel van ons lewe is. Woorde bring soveel vertroosting in enige vorm in ‘n gedig.. So leer ons baie uit digters se woorde wat hulle deurgemaak het in die tyd van seer en geluk.Tog is die nag se draai iets wat ek begeer die eenwees met myself… waar die woorde soms verbygaan soos Icarus se vlugwaar die hemelpoorte oopmaak en mis oor ons daal hang ek my gebreekte psalms aan elke nagstraal want ek weetdit word gehaal om na te luister as my prewel opwaarts gaanen rus ek in die wete ons lewe het omgedraai.

Kom saam met my op ‘n Reis deur my Gedagtes. Dalk sien jy jouself ook daarin. Verbeel jou jy het ‘n warboel van gevoelens en emosies wat jy ervaar, maar jy weet nie hoe om dit te verwoord nie. Jy raak verder gefrustreerd en voel dalk selfs ‘n bietjie depressief. Nou, verbeel jou jy het die Reis deur my Gedagtes saam met my deurgemaak. Skielik begin dinge vir jou méér sin maak en jy het die woorde om aan ander te beskryf wat jy ervaar het. Jy maak dit dan jou eie. Noudat jy weet wat jy deurgegaan het en beter verstaan hoe om jouself uit te druk, neem jy jou pen op en die woorde vloei soos ‘n fontein uit jou binneste. Dít is wat met my gebeur het.

Resonans is ’n eerlike en roerende poësiebundel wat die alledaagse en die diep geestelike met mekaar verweef. Amor Vorster, ’n digter met ’n besondere aanvoeling vir binnerym en beeldspraak, nooi lesers op ’n reis deur emosie, herinnering en geloof. Hierdie versameling, geskryf oor byna drie dekades, vang oomblikke van introspeksie, verlange, vreugde en pyn op ’n manier wat aan elke leser iets uniek sal sê. Met gedigte wat wissel van speels en eenvoudig tot intens en reflektief, bied Resonans iets vir elke gemoed. Dit is ’n stem wat resoneer met die hart – ’n bundel wat jou laat stilstaan, glimlag, en dalk selfs ’n traan laat stort.

In hierdie treffende digbundel gee Amor Vorster stem aan die stille strewe, die brose wonde, en die kragtige weerklank van die menslike siel. Resonans II is ’n reis deur emosie, geloof, identiteit en herinnering — elke vers ‘n stukkie lig en donker, ’n klankbord vir elke leser se eie innerlike waarheid. Met woorde wat ryk vloei en beelde wat lank ná die laaste bladsy bybly, skep Vorster ’n poëtiese ruimte waar pyn en hoop, vrae en verligting hande vat. Hierdie bundel is ’n weerklank van die lewe self — onbepaald, intens en eg.

Wanneer Drienie Joubert Kelly haar pen opneem, word die lewe om haar stil waar sy en woorde liefde maak op die wit papier. Haar talent is uitsonderlik en is sy ’n kunstenaar in murg en been.
Om te skryf maak wonde heel, gee drome vlerke, neem mens na plekke wat jy nog nooit besoek het nie… máár, wanneer ʼn digter dig, bemoedig hy /sy ook ander mense.
Drienie se doelwit in die lewe is net om te wees – om net die béste te wees wat sy kan , sodat sy ander kan inspireer.