In hierdie bundel bring Willem twee hartroerende romanse bymekaar.
Die Seewind Fluister ons Liefde vertel van Karel Botha, ’n briljante ingenieur, wie se wêreld wankel wanneer sy vrou, Ann, ernstig siek word. Hulle reis na Salzburg vir hulp, saam met haar charismatiese dokter, Liesl Malan, en ontdek dat ware liefde altyd oorwin.
Ek Roep na jou oor die See volg Mari Viljoen, wie se man tragies sterf. Sy aanvaar ’n pos in Switserland en vorm ’n diep band met Madame Bouvier en haar seun Gunther. Tog roep haar wortels terug, want liefde volg sy eie paaie en skep onvergeetlike verbintenisse.

As Onkoloog word dr. Karli baie hoog aangeskryf en leef sy net vir haar werk en pasiënte. Haar lewe verander skielik toe haar pad kruis met die van ‘n baie aantreklike Chirurg. Hy raak dadelik verlief op die beeldskone Karli, maar omstandighede maak dit moeilik vir hulle om bymekaar te wees. Tog, die liefde oorwin altyd en dit is nie lank voor dr. Malan Eybers haar hart wen nie. In die tweede laaste jaar van die dogters se skoolloopbaan, verander hulle lewens drasties toe Karli en die dogters in ‘n motorongeluk betrokke is. Karli, wat ‘n geruime tyd siek voel, word met kanker gediagnoseer en haar hele lewe tuimel inmekaar. Waar sy soveel mense in die verlede gehelp het, moes sy nou self die kankermonster veg. Die lewe deel soms moeilike kaarte uit en Karli leer die stryd tussen lewe en dood ken. Pyn en lyding word deel van haar daaglikse bestaan, maar sy leer ook wonderlike mense ken in hierdie tyd. Die dood wag vir niemand nie en vra nie vrae nie. Soms sterf mense jonk, ander weer baie later, maar bowenal, niks kan ons van God se liefde skei nie.