Bykans nege maande lank hou hy alles in hom toegesluit. Saans weergalm sy gille deur die stil gange wanneer dieselfde droom hom treiter. Op ’n dag onthou hy vir KYLA. Sy swartkop met die goue hart en klingellaggie. Stukkies van die legkaart begin inmekaarpas. Hy onthou die reuk van die see, voel die sproei van die branders. Kyla se gille wanneer sy dieper die see ingetrek word. Vlermuise wat saam met die digte mis vanuit die see opstyg. Die grasgroen oë wat ’n mens se siel vir die duiwel kan voer sonder die knip van ’n oog.
Pandora se boks was nou vir só lank toegesluit en weggebêre. Hoe sou die verdomde ding weer oopgekom het?

Janie vlug na die stil kusdorpie Vissiesbaai in n wanhopige poging om haar gebroke liggaam en siel te genees. Die letsels op haar been is n bitter herinnering aan die trauma wat sy probeer vergeet, n die rede waarom sy niemand naby haar wil toelaat nie. Maar toe stap Ben, die blonde, vrygees-surfer, onverwags haar lewe binne soos n somerbries uit die see. Sy speelse terg en onbeskaamde belangstelling laat haar mure kraak, terwyl haar Labrador, Boeta, instinktief besef dat hierdie man dalk kan help om sy mens weer heel te maak. Terwyl die meeue bo die see sirkel, word Janie gedwing om haar verlede in die o te kyk en te besluit of sy vir altyd op vlug wil wees, of die vlerke van nuwe liefde durf oopsprei. Kan Ben haar leer om weer te glo in haarself, in vertroue en in die liefde?

Wanneer Ruben instem om vir ’n paar maande sy vriend se suster, Marietjie, met die plaas te help, dink hy dit gaan ’n
eenvoudige guns wees. Wat hy egter nie verwag nie, is die vurige boervrou met heuningblonde hare, ’n skerp tong en ’n
hart wat diep letsels dra. Marietjie is vasberade om haar plaas, Rolbos, alleen te bestuur – sy het nie plek vir ’n
aantreklike vreemdeling met ’n verleidelike glimlag nie…

Sy weet dadelik wie die aantreklike Adonis is, maar besluit om haar eie speletjie met hom te te speel. Ook sy loop haar rieme deeglik styf toe LB agterkom wie sy werklik is. Hy sweer wraak. Die firma verloor die een kontrak na die ander nadat hy vir die opposisie gaan werk.
Sou LB se ongetroude swanger sekretaresse die rede wees hoekom Jacqueline skielik besluit om terug te gaan Frankryk toe? Of vlug sy om ’n ander rede?

SKADU OOR MATLABAS trek die leser in by Sonnika de Bruyn se lewe en wêreld. Jy beleef saam met haar die gevare waarin sy haarself bevind, óók die oomblikke wanneer die liefde aan haar deur kom klop. Maar… vóór dinge in haar lewe glad begin verloop, moet sy eers die donker skadu’s verdryf wat haar lewensvreugde bedreig.
Vind ook uit wat die trauma-chirurg, die eienaar van ’n bosveldplaas, en ’n polisiekaptein met Sonnika de Bruyn en Matlabas ingemeen het?