Elke letter, elke woord, elke sin het die seer uitgeloop waar die trane dit afgewas het, daarom is hierdie bundel my terapie digbundel in elke woord.
‘n Prettige interaktiewe metode om jong kinders op te lei.
Die voltooiing van die tekeninge help met:• Visuele persepsie• Fyn motorise vaardighede• Gereedmaking vir lees • Skryfontwikkeling• Voltooiing van ’n spieëlbeeld
A fun interactive method to assist in the teaching of young children.
Completing the drawings helps with:• Visual perception• Fine motor skills• Preparing for reading• Writing development• Completing a mirror image
‘n Digbundel deur twee digters wat in duet ‘n boodskap bring aan die leser: dankie liewe leservir jou saam lees en voelons bid dat jou hart opgewek is in vreugde deur ons getuienis wat ons met jou gedeel het (MM)
waar ons negatiewe lewe in positief verander het dat daar nog HOOP daarbuite is (TM)
moenie terug kyk dit bring net ongeluk kyk noord en ontvang jou nuwe lewe beweeg in geloof vorentoe (MM)
Allison beeld haar liefde vir Afrikaans in hierdie besonderse bundel mooi uit. Sy beskryf haar taal as wonderlik want ‘n klinker en vokaal vorm saam ‘n woord wat lewe bring.
Jaag nie die lewe na nie maar leef ‘n oomblik vir ‘n oomblik
Dit is hier waar ons besef ons was nooit alleen, Jesus gee om vir ons, en vir jou. Sy liefde en genade ken geen einde. deur Hom is ons hartsvriendinne, gebind in geloof
Dit is waar ons as die mooiste vlinders verskyn in skakerings van… WIT, PIENK, PERS, BLOU EN GROEN
Dit is ’n lang en ongelooflike pad van Welkom in die Vrystaat tot by Einstein se kantoor …
Kobus de Villiers is in Bloemfontein gebore en het in Welkom skool- gegaan. Ná sy loopbaan is hy nou afgetree. Hy doen steeds konsultasiewerk en bou eksperimente in sy werkswinkel by die huis. Kobus woon saam met sy vrou op die weskus van Kanada. Hulle het ook ’n kuierplek in die suide van Frankryk.
Jos se eerste publikasie van nog vele wat sal volg!
Kom beleef die opwindende, hardegat, doelgerigte, snaakse unieke manier van sê met Jos! Lag is goed vir die gemoed!
“As blare val en bloei …” is die digter se debuut-bundel wat bestaan uit twee dele, nl: “die natuur” en “die mens”. Alhoewel die verse afsonderlik ingedeel is, is daar egter ‘n sentrale goue draad verweef wat deurgaans vloei deur die bundel. Eg emosionele versugtinge, soeke na aanvaarding as gevolg van liggaamlike gebrek, heimwee asook nostalgiese herinneringe kry weerklank in verse oor die natuur se skoonheid, maar ook in die wisselwerking tussen mens en natuur.
Manna en Kwartels is Rèni Jansen van Rensburg se besonderse debuutbundel, enig in sy soort, en spring sy sommer weg deur ‘n pad na die leser se hart oop te kap met haar unieke gedigte. Dit is verdeel in drie afdelings om die pad aan te dui wat sy gestap het, die positief wat haar verryk het uit die negatief.
Van die begin af vat Rèni jou aan die hand en lei jou saggies en met gevoel deur haar woordboord. Jy voel die deernis, liefde, hartseer en vergifnis aan wat in elke karakter verwoord is. Jy lees nie net die emosie nie, jy doen mee en ervaar elke nuanse, elke vreugde en elke botsing. Die hartseer gryp jou soms aan die keel en skud jou menswees, want soveel van haar gedigte kan jy verseker met jouself vereenselwig.
Dit klink soos ‘n sprokie: Alet, ‘n weduwee, en Bernhard, sjarmant en aantreklik, ontmoet oor die internet en raak smoorverlief op mekaar. Alhoewel Alet oop kaarte met Bernhard speel oor haar lewe en haar kinders, kan dieselfde nie van Bernhard gesê word nie.
Die droom spat aan skerwe wanneer Bernhard in ‘n koma beland en Alet tot haar verbystering agterkom dat hul verhouding op leuens gebou is. As sy geweet het van die dinge wat Bernhard vir haar weggesteek het, sou sy nooit in ‘n verhouding met hom betrokke geraak het nie.
Wat gaan Alet maak met die nuwe inligting? Sy kan nie vir Bernhard konfronteer nie want hy is steeds in ‘n koma. Maar sy maak ‘n ander plan…
‘n Verhaal oor die slaggate van internet-verhoudings.
Ontmoet Kerneels Fourie – ’n klein hondjie met ’n groot persoonlikheid en nog groter avonture! Van sy eerste dag in sy nuwe huis tot sy snaakse ontmoetings met Chappieskat, die “koel ouers” en ’n wêreld vol vreemde mense-goeters, vertel Kerneels sy storie op sy eie unieke manier. Met sy skewekop-kyk, snaakse redenasies en onweerstaanbare eerlikheid, neem hy lesers saam op ’n reis vol lag, chaos en liefde. Maar wees gewaarsku – hierdie is nie ’n gewone storie nie. Dis vertel in egte hondetaal, waar alles nét ’n bietjie anders klink en baie meer pret is! Tussen modder-avonture, dam-uitstappies en klein stoutighede leer Kerneels ook wat dit beteken om deel van ’n familie te wees. ’n Hartroerende en skreeusnaakse storie wat wys: Soms sien ’n hond die wêreld baie beter as mense.
Bakhandstories is ‘n versameling van gedigte, kort stories en satires van vier skrywers wat jou neem op ‘n kreatiewe Damakustog deur die hoogtes en pleine van die menslike psige. Hulle pluk sterre uit die kosmos en wys die leser die omvangrykheid van die mens se denkvermoë, selfs verby ruimte en tyd. Die skrywer neem jou op ‘n binne-menslike epiese tog van liefhê, verlies, donker, lig en lag, want dis deel van lewe. Op selfsoortgelyke wyse as die Skepper, poog die skrywers om die leser in te trek in ‘n wêreld van orde en chaos en aan te moedig om die balans te vind tussen hierdie twee fundamentele prinsiepe van ons menslike realiteit.
Mamma, ek stuur vir jou ’n Namakwalandseduif, dit is hier waar ek van haar stil liefde sal onthou soos die engelvlerke waarmee sy nou vlieg.
Wanneer ’n storm oor die land breek, word harte ontbloot en geheime onkeerbaar losgeruk. Elsabé is ’n onafhanklike vrou wat haar gevoelens lankal agter professionele grense wegsteek. Marnus, ’n toegewyde dokter met ’n verlede vol onsekerhede, glo hy het geen tyd vir liefde nie. Wanneer ’n onskuldige uitnodiging hulle na ’n afgeleë plaashuis lei, word albei gedwing om hul vrese, twyfel en verlange in die oë te kyk. Te midde van dreigende onweerswolke, knetterende kaggelvure en onuitgesproke begeertes, begin vertroue stadig groei. Maar kan liefde werklik wortelskiet waar misverstande, jaloesie en onsekerheid lank reeds skade aangerig het? Storms van liefde is ’n roerende liefdesverhaal oor tweede kanse, emosionele ontwaking en die krag van liefde wat selfs die hewigste storms kan trotseer.
Met die skryf van hierdie werk, het ek beoog om te getuig van my lewensreis saam met vriendinne, sowel as my passie vir vriendskappe. Deur hierdie boek die lig te laat sien, wou ek graag iets aan die kosbare mense rondom my gee wat hul sal inspireer om vriendskap te omarm en vreugde daaruit te put. Daarmee saam het ek skrifgedeeltes en dagstukkie-inspirasies neergepen wat my deur moeilike dae gehelp het. Tesame met die inspirasie stukke, kry die leser ook die kans om iets wat in haar eie hart leef of ‘n gedagte wat by haar opkom neer te skryf in die “deel jou hart” gedeelte. Selfs dalk ‘n gebed of versugting van haar hart.
