Ruan voel hoe sy hart swaar klop. Miskien is dit nou die tyd om haar te vertel, maar dis asof hy bang is. Bang om die veragting in haar oë te sien. Dinge het ook al klaar te vêr gevorder tussen hulle twee. Hy weet as sy die waarheid moet uitvind oor hom, sal sy hom nie maklik vergewe nie.

Johan Steyn het sy speurwerk deeglik gedoen. Karen Steenkamp, het beslis ’n misdaad gepleeg. Sy het sy hart gesteel. Sy kollegas het nie verniet die naam Bulldog aan hom toegedig nie, waar hy byt laat los hy nie maklik nie, en vir haar, gaan hy beslis nie laat wegkom nie!
Maar haar gewese verloofde, ’n narsis, het ’n belofte aan haar gemaak dat indien hy haar nie kan kry nie, sal geen ander man haar kry nie. Die belofte doen hy dan ook gestand.
Gaan Karen se kopbesering haar permanent blind laat? Wie is die romanskrywer wat onder die skuilnaam A&P skryf waaroor sy ma so liries raak?

Ella se lewe was op dreef toe ‘n ramp haar tot stilstand ruk en sy terug moes keer huis toe om na haar ouma om te sien. Wat sy egter nie verwag het nie, is dat die lewe nog ? paar verrassings en vreemde draaie vir haar ingedagte het. Sy word onwillekeurig ingetrek by die lewens van die twee Pastano-broers. Kom stap saam deur die lewens van Ella, Lex, en Lilo.