Yt My Oeg handel oor die alledaagse dinge wat ons as mens ervaar in ons persoonlike lewens sowel as in ons liefdeslewe. Dis nie ‘n mooi-woorde tipe bundel wat net heuning om die lesers se monde wil smeer nie. Hierdie bundel sal jou laat bietjie self ondersoek – dit sal jou laat dink oor wat regtig belangrik is in die lewe en ook wat eintlik die klein dingetjies is wat saak maak in jou liefdeslewe. Dit is geskryf in die Afri-Kaapse skryfstyl waar ek gebruik maak van digterlike vryheid maar die gedigte is universeel en geloofwaardig.

My gedigte handel hoofsaaklik oor elkeen van ons se alledaagse liefde, leed, hartseer en vreugde. Ingesluit is ook ander se pyn wat ek deur my oë en hart beleef het, ons wonderskone land met sy uiterstes waarin ons Skepper ons geplaas het. Laaste maar nie die minste nie, ons onbeskryflike Skepper en die uitspansel wat ons nie kan verwoord of verstaan nie. Dankie aan elke leser, mag julle ook vrede, vreugde en vertroosting in my woorde vind.

Die lewe is ’n tyd in ’n uurglas verseël. My halfeeu-bestaan lê in hierdie bundel in ink op papier. Ek het kaalvoetspore wat ek in liefde kon omsoom. My lewe het deur die uurglas in keuses en swaarkry gestroom. Woorde wat skarrel tussen ink op papier, wat getuig van ’n halfeeu se liefde en leed. Vreugdes wat ek aan elke sandkorrel kon meet.

‘n Christelike digbundel wat inspireer

Die bundel is ‘n samevatting van sommige van my pogings tot die digkuns oor die laaste twintig jaar.Elke mens se paadjie is anders en dit wat jy ervaar het tot waar jy vandag staan, het gehelp skaaf aan wie jy vandag is. So is die lewe en menswees smeebaar. Aards is min dinge so seker, as dat alles verander nie.

Gedigte is selde die werk van ’n ligsinnige verstand en word al lank geassosieer met wat die meeste in die lewe saak maak—verhoudinge, liefde, geestelikheid, die natuur en die betekenis van die lewe. In Die ABC van Emosies, neem Kobus jou op ‘n gedigte-reis deur die lewe. Hy skryf oor die lewe, die ouderdom, die mooi en die seer.

Liewe leser,
Dit is só ‘n voorreg om my gedagtes vir jou neer te lê. Baie dankie dat jy moeite doen om hier te lees. Jy, die leser van hierdie gedigte, is baie kosbaar!
Neem die boek as jy saam met my wil droom en net lekker ontspan. En wanneer jy die Bybelse gediggies lees, gaan saam met my na jare, onbekend vir meeste van ons, maar tog so dieselfde op ‘n meer moderne manier. Baie van die Bybelse verhale is vergete en hiermee probeer ek dit weer bietjie nader bring.

In hierdie opvolg bundel bring sy ‘n bundel gedigte vir kleintjies, jongmense en self vir die grootmense. En in haar gedig Gekleurde Mandjie, vergelyk sy die lewe met ‘n gekleurde mandjie: Die aardse spieël bring voorwaar ‘n mooie prentjie mee…Dis ‘n pragtige mandjie, gekleurd, gevleg en met presisie geweefDit is wat die beeld vertel van skoonheid, en hoe jy leef…Tog daar agter is daar meer wat skuilWeggebêre in die dieptes van die hart en wie kan die waarde peil?Want waarteen word die inhoud gemeet?Soos die mandjie netjies gevleg met beskermende pik as kleed,-só vertoon die uiterlike, – skoon en altyd waardig Trots!