Wanneer ’n mediese tent in die Sudanese woestyn deur ’n aanval getref word, verander dokter Anja Siebert en haar kollegas se wêreld in ’n nagmerrie. Dokters word ontvoer, onskuldige mense vermoor en ’n seuntjie, Yara, verloor sy ma. Te midde van die chaos word ’n reddingsoperasie van stapel gestuur deur kaptein Gustav Minnaar en sy spesiale magte-span.
Vir Libbie Perreira is die verlede skielik weer lewendig. Die man vir wie sy eens lief was, staan nou aan die ander kant van die geweer.

Presies een jaar nadat haar ouer suster, Lara, spoorloos by ‘n rondreisende kermis verdwyn het, keer dieselfde kermis terug na die dorpie. Vir Celine is dit meer as net ‘n toevalligheid – dit is haar laaste kans om die waarheid te ontdek.
‘n Geheimsinnige fortuinverteller, vreemde klopgeluide uit die spooktrein en ‘n jong werktuigkundige wat blykbaar meer weet as wat hy durf sê, lei Celine al dieper in ‘n wêreld van geheime tonnels, leuens en gevaar. Maar hoe nader sy aan die waarheid kom, hoe duideliker word dit dat iemand bereid is om enigiets te doen om die donker geheime van die kermis te beskerm.
Met die kermis wat binnekort weer vertrek, raak tyd haar grootste vyand. Nou moet Celine besluit hoe ver sy bereid is om te gaan om haar suster terug te bring.

’n Vliegtuig stort neer. Meer as tweehonderd mense sterf. Net een man oorleef.
Ná die dood van haar geliefde broer, Antoni, probeer Nikita Schoonraad sin maak van ’n tragedie wat haar lewe onherroeplik verander het. Maar voordat sy behoorlik kan rou, plaas Jeffrey – Antoni se medevlieënier en die enigste oorlewende van die ramp – die vermiste vlugopnemers in haar hande. Volgens hom bevat dit die bewys dat Antoni verantwoordelik was vir die ongeluk.
Om haar broer se naam te beskerm, moet Nikita die waarheid wegsteek. Maar hoe langer die geheim voortleef, hoe gevaarliker word die leuens rondom haar. Wanneer die invloedryke sakeman Renier Vosloo onverwags haar lewe binnestap, begin hy vrae vra wat niemand anders durf vra nie.
Waarom is Jeffrey so desperaat om die vlugopnemers uit die hande van die ondersoekspan te hou?
En wat het werklik tydens Antoni se laaste vlug gebeur?
Maar sommige geheime is eenvoudig te groot om vir altyd begrawe te bly