Die Maan Huil Bloed is ’n spanningsverhaal vol intrige en vertel die verhaal van Trudie wat ’n erfgenaam is van ’n man wat haar tweede pa is, waarvan sy nie eers geweet het nie. Sy erf ’n wildsplaas aan die voet van die Soutpansberge.
Net na die besoek van die prokureur ontvang Trudie ’n bos rose en haar vriendin Rika sterf net daarna. Is dit toevallig?

Die Dis is ’n aksiebelaaide verhaal wat die leser meevoer in ’n wêreld van spanning, verlies en wraak. Die storie kombineer die rou emosies van ‘n gesinsdrama met die intrige van internasionale politieke manipulasie. Die gebruik van Romeinse mitologie om karakters en plekke te benoem, dra by tot die diep simboliek en sfeer van die verhaal. Die protagonis, Carl Scheepers, worstel met sy persoonlike verlies terwyl hy te midde van vyande en bondgenote ’n gevaarlike pad stap om sy seun te red en geregtigheid te laat seëvier.

Die inwoners van Venetia, ’n klein dorpie in Limpopo, word maande lank getreiter deur ongure karakters wat nie skroom om te steel en te moor om hulle beursies aan te vul nie. Sleutelfigure van die gemeenskap word deur die mag van geld by renosterstropery, diamantsmokkelary, en die vervaardiging van dwelms betrek.
Botha Barnard, of Baster soos wat hy alom bekendstaan, besluit om sy lyf na al die jare weer polisieman te hou en self ondersoek in te stel, nadat daar meer as een keer ’n aanslag op sy lewe gemaak en sy renosters gestroop word.

Luitenant André Bianchi en kaptein Fabian Vettel, ondersoek die saak van ’n meisie wat geheimsinnig vermis geraak het in dieselfde dennewoud waar hulle twee seuns, Nico en Philippe en ’n klompie van hulle studentemaats, vir ’n paar dae wil gaan kampeer. Philippe word aangeval in die woud, en na die hospital geneem met bytwonde aan sy bors. Lorenzo weet wat die bytwonde veroorsaak het, maar as Philippe die waarheid moet uitvind, gaan dit dalk hul vriendskap kos.
Nog mense in die dorpie verdwyn geheimsinnig. Philippe en Lorenzo se hulp word benodig as polisiereserviste om na die vermiste mense te help soek. Die twee beste vriende raak betrokke in ’n bloedige geveg met die ontvoerders. Dit laat André besef hy durf nie langer die geheim wat hy nog al die jare in hom ronddra, van sy familie weerhou nie.

Jan Joubert adverteer sy geliefde Ford bakkie om verkoop te word. ‘n Voornemende koper probeer hom by ‘n diamant transaksie betrek en hul neem Ogies as waarborg dat Jan nie met die polisie gaan praat nie.
In sy poging om Ogies te bevry kry ‘n paar manne goed op hul herrie. Alles dui daarop dat die diamante van Angola afkomstig is en dit kom met ‘n draai deur die Kongolese ambassade na Suid Afrika.
Die diamante word hier op die swartmark opgekoop en die geld daarvoor word teruggeploeg in die sakke van gewetenlose smokkelaars in ons buurlande. Sy twee besoeke aan Angola lewer niks goeds op vir die smokkelaars nie…
Net soos Kobus se debuut boek KOMPLOT beloof hierdie boek om jou te boei van die begin tot die einde