As aansporing vir lede wat die kursus, Praktiese skryfkursus vir beginners, voltooi het – of besig is daarmee – het ons besluit om ’n bundel kortverhale aan te pak. Die deelnemers aan die kortverhaalbundel, Half Gewonne – ’n Bundel vir Eerstes, aan die werk gespring en uiteindelik met ’n heerlike versameling kortverhale vorendag gekom.

3 Verhale in 1

Arondshoop is ’n plattelandse dorpie geleë iewers tussen Êrens en Nêrens, waar almal vir almal ken. Elkeen van die inwoners het ’n storie. Daar is oom Kallie Klikbek en sy vrou Sara, en soos wat lesers van sy naam kan aflei, is oom Kallie maar lief om stories stertjies aan te las. So beland hy ampertjies in die moeilikheid toe hy by Rika flikflooi vir ’n karnaaitjie.

Deur al die stories is daar wonderlike lewenslesse vir elkeen om op ʼn vars manier te ontdek, en met ons geliefdes te deel.
Die mooiste dalk net toe … “En Soekie soen Kolla teen sy neus. Gelukkig staar hulle na die geeloog-maan wat deur die wolke loer. Daar bo lag die maan sag, en tevrede. ‘Dit is so mooi’, dink hy, ‘om ʼn nuwe liefde op Kersdag te kan aanskou, al is dit tussen twee steenbokkies’.” Van der Spuy Brink

Riaan Nel kry meer as waarop hy gehoop het toe hy een aand wens hy was in in vrou de skoene, en sy in syne.
In die verhaal: Die Ontsnapping – raak Raya, jonk, ongekunsteld en naïef, verlief op Shaun O Reilly, onwetend van die donker kant wat verskuil lê agter sy sjarme. Die bundel word afgesluit op ’n hoë noot, wanneer Lou Stadler selfs moord sal pleeg om om te kry wat hy wil hê.
My hoop is dat elke persoon wat Vreemde Paaie lees, die kombinasie van kortverhale en gedigte sal geniet en dat dit saam met die verskeidenheid van genres sal sorg vir goeie ontspanning.

Die Namakwaland-streek, geleë in die westelike deel van die Noord-Kaap, is bekend vir sy asemrowende blomtonele en woestynlandskap. Die manier waarop die plaaslike mense Afrikaans praat is uniek aan hierdie gebied.
Willem se anekdote van die mense beklemtoon die uniekheid van die mense en die gebied. Sy liefde vir dié deel van ons mooi land kan in elke storie gesien word.
Die stories neem jou deur ‘n reeks emosies, van lag tot amper huil, maar die lag oorheers.

Elke dag, elke minuut, ondervind elkeen van ons een of ander emosie. Soms kan ons emosies omsit in woorde… Dit kan heelmaak, seermaak, saakmaak.
Emosies is innerlike belewenisse… Vreugde, woede en verlange is seker die emosies wat ons die meeste ervaar.
Emosies is voorwaar aansteeklik. Lag uitbundig en almal om jou lag saam. Intense hartseer kan weer die negatiewe in emosies opwek. Om oor hartseer te skryf, óf te dig, is dalk moeiliker. Net soos angs, dreineer dit vreugde tot daar niks meer oorbly nie. Wat dán oorbly, is om verslae terug te kyk na die vreugde wat was.
Ons praat oor ons vreugdes, ons woede, ons verlange. Ons skryf en dig daaroor. Dit is hoe skrywers en digters uiting gee.