Sybie Kleynhans, geliefde skrywer van Potchefstroom se vierde boek in die reeks van Madefu gee soveel lewenswysheid wanneer jy dieper lees. Die liefde vir die veld en diere kom in sy hele reeks voor. Die boek bied groot leesvermaak aan die leser.
…Wat ek weet van liefde is die lag is nou en in ‘n oogknipsel volg die traan, dan volg die eensame verwyt en verwurgende stilte.

Dié boek is een van daardie moét-hê en dan moét-hou boeke. Jy kan dit net eenvoudig weer en weer lees sonder om verveeld te raak. Sybie woordspeel tussen die lyne en as mens nie fyn lees nie, verloor jy die dieper seer en vreugde, en wil ek byna sê boodskap van hierdie boek.

“Plooie in my hart en ander stories” is ‘n versameling kortverhale wat ‘n verskeidenheid verhale bevat wat die emosionele dieptes en hoogtes van die menslike ervaring ondersoek. Dit bevat temas soos liefde, verlies, geloof, en hoop. Baie van die verhale weerspieël die uitdagings en vreugdes van die alledaagse lewe en bied ‘n mengsel van hartseer en geluk. Die skrywer se doel is om lesers te laat identifiseer met die karakters en om hulle te herinner dat die lewe vol tweede kanse is. Die verhale in die bundel sluit in stories oor gesinne, verhoudings, en die persoonlike groei van individue. Elke verhaal is ‘n reis na die diepste dele van die menslike hart en siel, en bied lesers die geleentheid om na te dink oor hul eie lewensverhale. Om ñ oomblik stil te raak en ophou om hartseer te wees oor wat jy nie het nie. Blom waar jy geplant is en begin lewe vir dit wat jy het, want dit sit die huppel in jou stap en haal die plooie uit jou hart.

Die Malherbe Skrywers het hulself weereens oortref met hierdie spogbundel. 19 unieke Afrikaanse stories wat jou emosies laat wipplank ry. In die bundel is daar ook ’n les of twee te leer. Soos die storie van Ma Kietie. Sy hou die Malan-huishouding se leisels in groot, sterk geoefende hande vas. Haar tong slaan soos ʼn sweep as sy hierdie Malantjies dril. Maar bewaar die een wat met haar kinders mors. Dit het die skoolhoof op die harde manier geleer. Maar skaf gerus hierdie bundel aan as julle meer wil weet wat alles hierbinne gebeur.

Description:
’n Versameling stories, gedagtes en skrywes wat soos ’n turksvy, soms stekerig en uitdagend, en tameletjie, soet en aanhoudend, jou hart en siel sal roer.
In Turksvye en Tameletjie vat ’n vrou met ’n wil van haar eie, jou saam op ’n reis vol eerlikheid, humor en diep introspeksie. Sy is nie perfek nie, maar sy is eg en onverbeterlik.
Hierdie bundel is vir die dromers wat anders wil wees, die opregte soekers na integriteit en die mense wat verstaan dat ware kragte in die sagtheid met ’n ruggraat van staal lê.

Sybie weerspieël sy fyn sin vir humor wat telkens ʼn giggellag laat opborrel in komiese situasies om net in die volgende storie jou weer ʼn traan te laat pink.

Hoefslag van my hart is ’n kortverhale bundel propvol lekkerlees kortverhale en ’n pragtige novelle, Liefde soos Geel Magrietjies, waar Franciska haar lesers op ’n verbeeldingsvlug neem saam met die wel en weë van haar karakters. Doodgewone mense wat soms in ongewone situasies beland.