Die Weermag stuur ’n span van die Spesiale Magte om die bende vas te trek en die genadelose plundering van besittings en lewens te beëindig. Kaptein Gustav Minnaar en sy manskappe bevind hulle binne-in ’n nes van dwelm- en mensehandel.
Gaan kaptein Minnaar en sy span daarin slaag om die bende vas te trek en die persoon wat agter hierdie gruweldade sit, ontmasker? Gaan hulle die ontvoerde dokters opspoor? Gaan almal lewend uit hierdie verbete stryd tree?
Binne die omslag van SENDING: WOESTYNWOLF lê al die antwoorde. Die verhaal is gelaai met spanning en baie aksie, asook ’n tikkie humor en ’n ou liefde wat, ten spyte van die stryd teen gewetenlose plunderaars, dalk weer kan opvlam.
Maak jou maar klaar vir ’n paar asem-ophou-oomblikke…

’n Diep seerkry het gemaak dat Jacques Louw alles op Rietput net so agterlaat en vyf jaar in die Sahara woestyn nesskop. Die Sahara is groot en ongenaakbaar. Net die dapperste onder die dapperes oorleef daar. Tussen die duine en woestynmense, vind hy heling vir sy gefolterde siel. Verlange, en die veiligheid van sy geliefde Arabiese hings, dryf hom egter terug na sy geboortegrond in Suid-Afrika.Terug op Rietput word Jacques geteister deur drome oor die Sahara. Dit vat hom na die Oase van Shakira waar ’n meisie met koringblonde hare en lippe wat granaatrooi glinster agter ’n liggroen sluier sy kop en hart deurmekaarkrap.
Hy skrik een oggend wakker met die reuk van wierook en eksotiese parfuum in sy neus. ’n Stringetjie silwer klokkies lê op die mat en ’n stukkie groen materiaal onder sy bed. Is sy prinses van die duine ’n droom, of werklikheid?
Drie jaar later word sy ma ontvoer. Die losprys; sy pikswart hings. Dit dwing hom terug op die spore wat hy geloop het in die Sahara; waar die een na die ander verassing op hom wag, én die leser se tone laat krul van die lekkerte.

Vir John Opperman is sy miljoene nie die belangrikste ding in sy lewe nie, maar sy familie. Nada, is die liefde van sy lewe. Sy oudste dogter, Minda, getroud met Theo, is in bewaring van wildlewe. Sy jongste dogter, Yozel, is besig om met rasseskrede naam te maak in die eiendomsbedryf. Jonathan sy enigste seun, is nog op skool, maar word vreeslik bederf. Wat John nie weet nie, is dat sy geliefde vrou ʼn massiewe geraamte in die kas het. As dit op die lappe moet kom, sal dit hul hele familie vernietig. Wat is die geheim? Hoe hanteer die familie die ramp wat hul tref? Sal Yozel dit regkry om hierdie gesoute besigheidsman te oortuig om die eiendom te koop?

Amber se ouers, navorsers uit Namibië wat spesialiseer in vreemde insekte, sterf albei in die rëenwoude van Amerika as gevolg van ‘n gif wat een van die insekte afskei wat nie bekend was aan hulle nie. Sy word deur haar oppasser Idira, ‘n indiaanse vrou van die Awa-stam, geneem en grootgemaak soos haar eie dogter. Terwyl Amber saam met haar vriendinne in die woud bessies versamel, verras ‘n gemaskerde man haar en bied aan om haar te help. So ‘n mooi jongvrou het hy nog nooit gesien nie, hy raak verlief op haar.
Wie is die gemaskerde man en hoe sal hy by die stam met hul streng wette en haar moeder verbykom? Sal haar broers hom toelaat om die vrou wat hul albei heimlik lief het, weg te neem?

Twee jare lange vriendinne se droom om ‘n Karibiese bootreis mee te maak, word uiteindelik bewaarheid. Aan boord van die ‘Freedom of the Sea’ bemerk kaptein Bertollini gou die twee uitsonderlike skoonhede en nooi hulle om sy eregaste te wees met die Kapteinsbal. Ben en Koert, twee van die vrygeselgaste, het egter ook hulle oog op die twee vroue.
Marisol en Zora se droomvakansie ontaard vinnig in ’n nagmerrie tydens die Kapteinsbal toe die bemanning van die passasiersboot oorrompel en die boot beset word deur seerowers onder aanvoering van die vreeslose seerowerkaptein,