Wilma is een van tien wenners van ʼn twee weke lange bootvaart vanaf Durban, na wie weet waarheen aan boord van die Enterprise seiljag. Die aand voor hulle terugvaart na Durban, oorreed sy Andries, tweede in bevel, om haar na die geheimsinnige Gambriose eiland te neem met een van die reddingsbootjies.
Op pad na die eiland wat alreeds in digte mis gehul is, versleg die weer vinnig. ʼn Sterk rukwind steek op en waai golwe bo-oor die klein rubberboot. Dan dop die rubberboot om. Oorlewing is nou eerste prioriteit. Na dae van ontberings sien sy beweging tussen die ruig stuike. Dan is hulle by haar. In die maanlig sien sy hulle gesigte: rooi en geel strepe oor die voorkoppe geverf. Halfnaak, groot en sterk, spiere blink ingevryf met vet of olie.
Is hulle vyandig of is hulle haar goedgesind? Watse ander geheimenisse is nog verskuil op die eiland?

Dit voel vir Alex asof ‘n trein haar tref. Haar wind word van agteraf uitgeslaan terwyl ‘n growwe hand haar mond styf toedruk. Sy ruik ‘n mengsel van alkohol en sigarette tussen vrot asem-teue, maar die besef dat dit wat nou aan’t gebeur is dring nie tot haar deur nie.
Alexandra maak laatmiddag haar oë in die Louis Pasteur Hospitaal oop. Alles aan haar pyn. Binne en buite haar liggaam. Haar hand reik stadig na daar waar dit die seerste is; die sagte plekkie wat ‘n vrou bêre vir haar geliefde…

Andolene wen die kompetisie en dit gooi haar lewe erg deurmekaar. Nie net alleen moet sy Charlene se woede en haat hanteer nie, maar ook die wete dat sy van Heinrich sal moet vergeet, veral toe dit uitkom dat Nicky se van eintlik óók Malan is en dat Heinrich langs haar waak toe sy geboorte skenk aan ’n seun.Charlene se woede bou op tot ’n punt waar sy nie meer beheer het oor haar optrede nie en Andolene moet ’n duur prys daarvoor betaal.

Bianca van Wyk, ‘n joernalis wat tans werk as regsbibliotekaresse by een van die grootste regspraktyke in die stad. Sy verpes elke oomblik van haar werk. Advokaat Pieter van Reede van Oudsthoorn, neem haar bykans elke aand uit vir ete en oorlaai haar met duur handsakke en parfuum. Hy doen sy bes om die koppige Bianca te vorm in die beeld wat hy van ‘n vrou het wat by hom behoort te pas. Na ‘n impulsiewe werksaansoek aanvaar Bianca die geleentheid om as feeskoördineerder na die Karoodorp, Albertsrus te verhuis. Sy smag na die onopgesmuktheid en ooptes van die Karoo.
Sy en Stefaanskat bly in die tuinwoonstel van Stefan Marais. Die dorpenaars ontvang haar met agterdog wanneer sy met die fiets, wat Stefan gesê het sy mag gebruik, rondry. Liefde was nie haar motivering om Karoo toe te trek nie, maar een ontmoeting met Stefan en die koeël is deur die kerk, vir Bianca en Stefaanskat.
Voel Stefan ook so, en hoe hanteer hy Pieter se ongenooide besoek?

’n Diep seerkry het gemaak dat Jacques Louw alles op Rietput net so agterlaat en vyf jaar in die Sahara woestyn nesskop. Die Sahara is groot en ongenaakbaar. Net die dapperste onder die dapperes oorleef daar. Tussen die duine en woestynmense, vind hy heling vir sy gefolterde siel. Verlange, en die veiligheid van sy geliefde Arabiese hings, dryf hom egter terug na sy geboortegrond in Suid-Afrika.Terug op Rietput word Jacques geteister deur drome oor die Sahara. Dit vat hom na die Oase van Shakira waar ’n meisie met koringblonde hare en lippe wat granaatrooi glinster agter ’n liggroen sluier sy kop en hart deurmekaarkrap.
Hy skrik een oggend wakker met die reuk van wierook en eksotiese parfuum in sy neus. ’n Stringetjie silwer klokkies lê op die mat en ’n stukkie groen materiaal onder sy bed. Is sy prinses van die duine ’n droom, of werklikheid?
Drie jaar later word sy ma ontvoer. Die losprys; sy pikswart hings. Dit dwing hom terug op die spore wat hy geloop het in die Sahara; waar die een na die ander verassing op hom wag, én die leser se tone laat krul van die lekkerte.

Amber se ouers, navorsers uit Namibië wat spesialiseer in vreemde insekte, sterf albei in die rëenwoude van Amerika as gevolg van ‘n gif wat een van die insekte afskei wat nie bekend was aan hulle nie. Sy word deur haar oppasser Idira, ‘n indiaanse vrou van die Awa-stam, geneem en grootgemaak soos haar eie dogter. Terwyl Amber saam met haar vriendinne in die woud bessies versamel, verras ‘n gemaskerde man haar en bied aan om haar te help. So ‘n mooi jongvrou het hy nog nooit gesien nie, hy raak verlief op haar.
Wie is die gemaskerde man en hoe sal hy by die stam met hul streng wette en haar moeder verbykom? Sal haar broers hom toelaat om die vrou wat hul albei heimlik lief het, weg te neem?