Edelstene
R129.00My digbundel, Edelstene, besing die skoonheid van die natuur en die prag van ons moederstad, Kaapstad. Ek skryf ook oor die wel en weë van die lewe in Suid-Afrika en ons wedervaringe.
|
Shop The Widest Range Of Books Online. Safe & Secure Online Shopping! |

My digbundel, Edelstene, besing die skoonheid van die natuur en die prag van ons moederstad, Kaapstad. Ek skryf ook oor die wel en weë van die lewe in Suid-Afrika en ons wedervaringe.
Hierdie digbundel is n mengelmoes van emosies. Sarie skryf oor hartseer, liefde, pyn, geluk en nostalgie, afgewissel met ʼn tikkie humor en fantasie.
Sy bring ook hulde aan Jordan Moore, Emaan Solomons en Leo Williams.
Engela Boshoff struikel-val in Louis Eloff se arms toe sy haar skoenveter vastrap. In ’n oogwink raak sy onherroeplik en onbeheersd verlief op die man met die kuiltjie in sy wang. Liefde met die eerste oogopslag, noem hy dit. Voordat hy haar naam ken of weet wie sy is, soen hy haar en kan sedertdien nie meer sy hande of lippe van haar lyf af hou nie. As sy tog net van die chroniese lighoofdigheid en oorontsteking kan ontslae raak …
Ses maande later, tydens hul wittebrood, kry hulle die uitslag van Engela se duiseligheid.
Abishag se verhaal vertel van ’n jong meisie wat deur geloof en deursettingsvermoë ’n groot invloed op baie mense se lewens het. Haar eie innerlike stryd veroorsaak ’n groot wroeging; sal sy ooit haar ma en broers kan vergewe omdat hulle haar lewe gesteel het vir eie gewin?
Baie verhale oor die jare heen is al vertel en baie het met die tyd vergete gegaan, maar hierdie verhaal kan niemand vergeet wat dit ooit gelees het of van die storie gehoor het. Dis `n verhaal waarin kinders genees word van `n sekere siekte as dit aan hul vertel kan word, maar wat die kinders nie weet is dat daar iets dieper lê as net hul genesing.
Hierdie is ’n boek vol verskeie tower sprokies en dit beeld my siening uit van die onbekende en die towerwêreld en hoe die lig teenoor die duister te staan kom, en hoekom hul alewig gesluit is in oorloë.
In hierdie fiktiewe verhaal ry Alexa die lewe se op-en-af wipplank sodat ons minder alleen voel in ons eie realiteit van die lewe se gebeurtenisse. Sy gryp na haar geloof deur alles wat sy beleef: finansiële probleme, huweliksprobleme en selfs ʼn geliefde aan die dood afstaan. Sy kom leer ons van die herstel en heelmaak wat ons net by God kan vind – veral in huwelike en intimiteit. Mag hierdie geestelike roman vir volwassenes jou gemoed lig maak, jou laat voel ander verstaan, asook hoop gee in tye wat jy gedink het daar is geen hoop.
Van beeste wat vrek gemaak word tot moorde, onder andere sy beste vriend. En dan kom die vrae …
Waar pas Erlank in die prentjie in? Gaan Ryan ‘n vrou weer kan vertrou? Is daar satanisme betrokke? Is wraak nodig?
Is ek in die bol gepik of is ek nie? Hierdie is my verhaal met sy soet, suur, bitter en seer in die lewe. Ek kan sê ek het omtrent alles al beleef. Van vyfster-hotelle tot op straat slaap. Ek was van ‘n bestuurder op die myn tot ‘n hulpbehoewende. Jare lank het ek geglo ek is normaal – as daar iets is soos ‘n normale persoon – tot ek gediagnoseer is met Bipolar. Eers nadat ek medikasie begin gebruik het, het ek besef ek het ‘n wanindruk van “normaal”.
Maats, kom deel in Xandri se atletiek-avonture en gaan saam met haar op haar avontuur-reis en leer ‘n waardevolle les om vreemdelinge nie te vertrou nie. Maak saam met haar nuwe maats met Sepie die seeperdjie en Dolfie die dolfyn wat haar red uit die monster-tande van Herman Haai.
Kom kleur jou verbeelding in met stories wat jy sal onthou.
Kom ervaar spanning, avontuur, misterie, misdaad, liefde, humor en sommer baie meer, saam met al die verskillende karakters in die Prosa Collage; “DIE ANDER MAN.”
Wanneer jy die R555 uit Middelburg neem, ooswaarts, Steelpoort se kant toe, kronkel jy al langs Bothasberg af tot op Stoffberg, waar hierdie boek afspeel. Stofpadstories is ‘n bundel van vyf stories wat almal in dieselfde omgewing afspeel en op die een of ander wyse by mekaar aansluit.
So beland hy en Klaas op Makierie se stoep met ‘n heerlike beker tuisgemaakte groentesop en vars gebakte brood. “Nee, die Here is goed vir my, Meneer Atta,” het Klaas gesels, met die sonsondergang se blink in sy oë. Probeer soos Atta wou, hy kon hom nie kry om die ‘Meneer’ te los nie. “Dis net die spook, maar sy pla nie elke nag nie. Jy weet Meneer, die skape hulle voel sulke goed. Dan is hulle onrustig. Die klein lammertjies bly roep en roep.” Atta onthou, ek het maar met ‘n halwe oor geluister, wetende hoe bygelowig baie van my eie mense is. Die ‘sy’ het my bietjie laat regop sit, spoke het meer dikwels geen geslag nie, asook die rigting waarin hy beduie het. “Margeret?”
Jacoba en haar drie seuns het glad nie ‘n maklike lewe gehad op die plaas Grasfontein net buitekant Lichtenburg saam met haar man Raoul de Vos nie. Tot op ‘n dag toe haar eie lewe in gevaar gekom het, het die drie seuns saam met hul ma gevlug. Hulle het by ‘n dorpie met die naam Senekal beland. In Senekal het hulle lewens verander, veral toe Jacoba vir Dominee Dewald van Staden ontmoet het. Dewald het vir Jacoba geleer van God se liefde.
Cleo is so kwaad vir haar man omdat hy haar vir so lank vir die gek gehou het. Sy wat nog altyd so hoogmoedig trots was op haar sexy man wie se hande vir niks verkeerd staan nie. Sy het bederf gevoel deur hierdie sagte man wat nooit sy emosies en pyn wegsteek nie. Hy voel dinge soos geen man wat sy ken dit voel nie, daarom kon hulle twee so lekker connect met mekaar. Die Vader weet! Sy is lief vir Jaco Eretze!
Hoe kon hy dit aan haar doen! Hoe op aarde kon verraad vastrap plek in hul huwelik kry
Elke jaar in Aprilmaand word ons as gelowiges opnuut herinner aan die offer van ons Heer en Heiland, Jesus Christus, aan die kruis op Golgota. Daar waar die sondelose Een, sonde geword het in ons plek, gely het in ons plek, en gesterf het in ons plek. Daar waar Hy uitgeroep het “Tetelestai!” wat beteken “Dit is volbring!” Drie dae later het Hy met krag en majesteit uit die dood opgestaan en in oorwinning uit die geopende graf herrys, om aan ons die belofte van die Ewige Lewe te gee, en om God die Vader se stempel van goedkeuring op Sy reddende werk te plaas.Maar hoekom moet ons dit net eenkeer per jaar hoor, eenkeer per jaar herdenk? Hier het ons ‘n bundel gedigte wat ons elke dag kan lees, wat ons elke dag kan herinner aan die grootste offer in die geskiedenis van die heelal, en aan die oorwinning oor sonde en die dood.
Hallo, Mev. Noag is ‘n boek saamgestel deur wanhoop en hoop, ongeloof en geloof met die wete dat wie ons is, waar ons bly, wat ons in ons lewens al gedoen het (goed of sleg) dat God se genade nooit vir ons sal of kan verander nie. Geloof in Hom is al wat ons nodig het om ons deur “enige situasie” te help.
Geloof het Noag gered, Geloof het my, Liezel, gered!
Geloof sal jou ook red!