“Geheim van die Kinders van die Maan” beskryf die avonture wat die Pretorius-gesin beleef na `n vliegtuigongeluk wat hulle weerloos in die diepe Kalahariwoestyn laat. Op hulle soeke na hulp vir hulle beseerde vader, word die twee Pretorius tieners deur die San gered en hulle ondervind die fassineerende lewenswyse en geheime van hierdie merkwaardige volk en die unieke wyse wat hulle met die natuur saamleef. Verder, beskryf die boek die opwindende gebeure en gevare wat die kinders moes trotseer, hoe hulle deur barbare ontvoer is, hoe hulle `n skatkamer ontdek het en ook hoe hulle op verrasende wyse ontsnap het en gered is. Die boek verskaf, deurgans, prikkelende, heilsame maar ook leersame leesstof wat beide ons jonger tiener seuns en dogters sal geniet.

Nadat ‘n gesprek gehoor is in die kafee, van Jack van der Merwe wat op sy foon gepraat het en dit het geklink of hy die skool wil koop, het die kinders laat wonder. Hy het ‘n paar goed gesê wat nie lekker sin maak nie en het gepraat van ‘n dagboek wat uitmekaar val maar wat ‘n kaart in het wat nog duidelik is. En hy het gesê hy het ‘n kompas en gereedskap en dat die ander persoon moet sorg dat die geld reg is. Wie gebruik nou ‘n kaart en ‘n kompas as hy wil kyk of hy ‘n skool wil koop?Kom lees saam aan hierdie avontuur wat die Bashoekers lekker aan die raai het.