Ek glo ons het elkeen ‘n eiland in ons gees waar net jy en God kan kom. Dis ‘n eiland waar ‘n mens se rou wonde en eelte naak lê. Dis ook ‘n plek waar God in jou oor fluister en sê dat jou naam alreeds in Sy handpalm geskryf staan en dat jy het wat nodig is om aan te gaan ten spyte van jou omstandighede. Ek glo my ma het so ‘n eiland in haar gees gehad, want hoe anders kon sy aangaan. Hierdie is my onthou van my ma, dit is haar storie, maar ook ons storie.

Mirna en Nalene Boeson is ’n tweeling in die heksgemeenskap diep in die bosse in die noorde van die land, maar hulle verskil soos dag en nag. Mirna is stil en verantwoordelik, maar Nalene is gedurig in die moeilikheid, veral toe sy met swartmagkuns begin eksperimenteer. Nadat Nalene vir Suhara, die hoofheks, in ’n klip verander, moet hulle vlug vir hulle lewens. Om te keer dat Nalene ooit weer haar towerkrag kan gebruik, word sy vasgevang in Mirna, en met Joanne, hulle ma se suster, se hulp word Mirna in Kaapstad gevestig waar ’n weldoener sorg dat sy haar lewe kan voortsit.

Sybie Kleynhans, geliefde skrywer van Potchefstroom se vierde boek in die reeks van Madefu gee soveel lewenswysheid wanneer jy dieper lees. Die liefde vir die veld en diere kom in sy hele reeks voor. Die boek bied groot leesvermaak aan die leser.
…Wat ek weet van liefde is die lag is nou en in ‘n oogknipsel volg die traan, dan volg die eensame verwyt en verwurgende stilte.

Dié boek is een van daardie moét-hê en dan moét-hou boeke. Jy kan dit net eenvoudig weer en weer lees sonder om verveeld te raak. Sybie woordspeel tussen die lyne en as mens nie fyn lees nie, verloor jy die dieper seer en vreugde, en wil ek byna sê boodskap van hierdie boek.

Rita Botha vlug stad toe, weg van Adelsrust waar sy die afgelope ses maande geen vreugde geken het nie, weg van Jacobus, haar pastoor man, en die lede van sy kerk.
In die stad word sy vinnig deel van Lizzie Meyer se ‘familie’. Toe die bom bars en die rede vir haar wegvlug uit Adelsrust op die voorblad van die Sondagkoerant uitbasuin word, leer Rita die waarde van vriendskap en besef sy – alle mans is nie soos Jacobus nie. Daar is ook mans soos Pieter, iemand met lag in sy oë.

Het jy al verlang na meer tyd saam met geliefdes? Op Rus en Vrede kom vriende en vreemdelinge bymekaar om stories te deel rondom ‘n vuur – van lag en trane tot rillings van vrees. Dis ’n tyd van herontdekking, verlies, nuwe liefde en die krag van menslike verbondenheid. Elke skrywer bring ’n unieke ervaring, en saam vorm hulle ’n mosaïek van herinneringe. ’n Week wat ’n leeftyd se betekenis inhou – net soos jy dit dalk ook nodig het.

Die Bester-gesin word ’n gulde geleentheid gebied om kosteloos op ’n Wildsplaas net buite Brits te gaan kampeer. Die raaisel verdiep toe daar ’n paar moorde gepleeg word en ’n mensehandel-sindikaat wat in die verlede deur Danie ondersoek is, moontlik iets daarmee te doen het. Danie en sy gesin word deur ’n maalkolk van raaiselagtige gebeure meegesleur. ’n Vreemde kroegman en ’n twyfelagtige karakter wat as plaasbestuurder werk skep meer vrae as antwoorde.
Hierdie boek is gevul met intrige aangevul deur moord, ontvoering en ’n goue draad van liefde en vertroue wat tot die uiterste beproef word. Sal Danie en sy gesin ongeskonde aan die anderkant uitkom?

Lazy Sunday afternoon reading, the second book following Many Tales.A journey of ordinary people in unusual occupations and their families and friends sharing their lives.
Leana Taylor has a way with words that makes it exciting to read. In this book she takes you on a journey through the lives of a Tobacconist, a Night Watchman, a Shoemaker and a Jeweler. Once you get past the first sentence in the first story you cannot put the book down.