Die Bester-gesin word ’n gulde geleentheid gebied om kosteloos op ’n Wildsplaas net buite Brits te gaan kampeer. Die raaisel verdiep toe daar ’n paar moorde gepleeg word en ’n mensehandel-sindikaat wat in die verlede deur Danie ondersoek is, moontlik iets daarmee te doen het. Danie en sy gesin word deur ’n maalkolk van raaiselagtige gebeure meegesleur. ’n Vreemde kroegman en ’n twyfelagtige karakter wat as plaasbestuurder werk skep meer vrae as antwoorde.
Hierdie boek is gevul met intrige aangevul deur moord, ontvoering en ’n goue draad van liefde en vertroue wat tot die uiterste beproef word. Sal Danie en sy gesin ongeskonde aan die anderkant uitkom?

‘n Vakansie in die Drakensberge breek aan waarna die gesin so uitgesien het.
Wat kan dan nou verkeerd gaan?
Kom ervaar ‘n wintersnag in die Drakensberge saam met die gesin en vind uit wat so vreesaanjaend kan wees.

’n Reeksmoordenaar raak besig met mans waar hulle harte uit hulle borskas verwyder word. Eerste wat Frik se skerp speurdersoog vang, is die rooskleurige papier op André se bloedbevlekte bors wat in ‘n hartvorm gesny is. Op die rooskleurige papier staan in sierskrif geskryf: ll memento de nostro fu il più bello della mia vita. Ll mio amore per te non ha limiti. Ll tuo cure è sempre con me. Die enigste ander leidraad: ’n Jong seun wat ’n wit Fiat Uno voor die huis van een van die vermoorde mans die nag van sy moord opgemerk het. En ’n persoon in ’n swart jas met ’n tassie wat by die vermoorde se hek ingegaan het. Die moorde laat Frik behoorlik kopkrap en in die lug gryp na antwoorde. Tot waar sy neef in gevaar is. Gaan hy betyds wees om Theuns se lewe te red uit die hartelose moordenaar se kloue?

Desiree Leach, “Nonnie”, gaan deur ‘n uitdagende tyd in haar lewe. Sy word deur verskeie komplikasies getref, wat haar op ’n pad van selfontdekking en emosionele groei dwing. Die eerste groot uitdaging in haar lewe is die verraad deur haar kêrel, David Johnson, wat sy in ‘n kompromitterende situasie met ’n ander vrou betrap.

Die drieling-susters Luna, Diana en Irene kan van kleins af dinge doen wat ander kinders nie kan nie. Een van die spesiale gawes is, dat hulle met enige seedier kan kommunikeer, en hulle is baie lief vir water. Daar word gedurig met hulle daaroor gespot, tot hulle ma besluit die drie is nou oud genoeg om by die ander van hulle soort aan te sluit. Hulle word na ‘n pragtige sprokieskasteel aan die voet van die Meru-gebergte gestuur.