In Genade Vlerke word my lewe word bymekaar gemaak net soos broodkrummels.
‘n Digbundel wat spreek tot in jou hart.
Christine kry ‘n groot kontrak as argitek by ‘n hospitaal se aanbouings by die kankerafdeling. Sy is opgewonde oor die nuwe projek, want dit kan haar naam in die bedryf bevestig. So leer ken sy vir Albert, een van die hartspesialiste by die einste hospitaal. Hoe meer tyd hulle saam spandeer, hoe harder val sy vir hom. Tot die noodlot haar tref en sy met leukemie gediagnoseer word. Haar geloof wankel en sy sluit Albert uit, om sy gevoelens te spaar. Maar toe sy ‘n anonieme skenking vir beenmurg kry en dit haar lewe red, besef sy dat haar geloof in haar Hemelse Vader se liefde haar deurgedra het. Sy het egter nie rekening gehou met Albert se gevoelens vir haar nie en hy stap die pad saam met haar. Totdat Lukas, Albert se broer, ‘n vlieg in die salf word en hulle geluk in die weegskaal hang.
Met rukkende of is dit hortende asemstote soek Riana verward in haar deurmekaar wêreld na die boek. Sy knik haar kop stadig op en af asof sy die antwoord so pas gevind het.
“Riana? Is daar iets wat jy onthou? Probeer die woorde lees dan vertel jy my wat jy sien.”
Hierdie hartroerende verhaal vertel van die seer van ‘n ma deur haar dogter verwerp. Kan liefde weer gevind word na al die hartseer?
Sy kan haarself hoor dink al raas die stilte vir niks en niemand verruil sy haar menswees… haar vrede… in haar wildste drome sou sy nooit kon dink dat sy eendag hierdie leefstyl sou beklink.
Die wind bring stemme van ver en sy geniet die geselskap, al verstaan sy nie die taal, lojaal sal sy bly teenoor die vlaktes, dit was nog goed vir haar.
’n Skielike telefoonoproep verander Annette Minnaar se perfekte lewe in ’n nagmerrie. Haar man, Dawid, en twee
onbekende kinders was in ’n verwoestende motorongeluk. Een kind en ’n vrou is dood. Nog ’n kind veg om sy lewe. Maar
die grootste skok wag nog: Niemand weet wie die vrou en kinders is nie — en waarom hulle saam met Dawid in sy motor
was. Wat begin as ’n tragiese ongeluk, ontaard gou in ’n ingewikkelde raaisel vol vrae, geheime en verdagte
omstandighede. Soos die ondersoek verdiep, begin ou wonde oopgaan en versteekte jaloesie, skuld en leuens kom na die
oppervlak. Intussen ontvang ’n pa verwoestende nuus: sy twee vermiste seuns is gevind — in dieselfde ongeluk.
Marina is middeljarig, en sukkel om van die seerkry en herinneringe aan gister en die verlede ontslae te raak. Sy bevind haarself aan die Kaapse weskus in ‘n lieflike vissershuisie wat sy self gerestoureer het. Dis ook hier waar sy onverwags weer haar jeugliefde raakloop. Dan maak Hendrik egter weer skielik sy opwagting, en die poppe begin behoorlik dans wanneer hy Bernard in haar geselskap aantref. Sal Bernard die toets van die tyd kan deurstaan, of sal hulle maar weer soos tevore van mekaar afsien? Daar is ook die mooie Lani wat gereeld in Bernard se geselskap aangetref word, waarmee rekening gehou moet word. Sy het haarself alreeds in sy besigheid en privaatsake ingewurm om te sorg dat sy die aantreklike sakeman vir haarself inpalm.
Anri kyk verontwaardig na die ses voet vier … en ‘n halwe duim lange man en wens sy was ’n man … ses voet výf duim lank … en met net sulke groot hande soos syne, dan sou sy hom behoorlik gefoeter het omdat hy steeds nie maniere het nie. Anri dink daaraan dat sy nie normaalweg die veglustige tipe is nie, maar as die eerste man waarop sy verlief is … en sy rol haar oë en skud haar kop … die man is ‘n buffel besluit sy, trek haar pragtige lyfie penregop en kyk uitdagend na hom…
Ek nooi jou uit om hierdie pad saam met my te stap en God se onbeskryflike liefde en genade en guns te beleef. Hierna te weet dat God alles kan en saam met my hierdie getuienis te gebruik vir die uitbreiding van Sy koninkryk.
As jy hierdie getuienis lees, vertel vir ander daarvan, vra hulle om dit ook te lees, laat ons saam God se Almag deel.
Kom saam met Lara op haar Sabbatsreis vol herinneringe van haar kinderdae. Moeilike tye wat sy nooit gedink het sy gaan oorleef nie. Soos die aande wat sy en haar sussies moes vlug en in mense se tuine wegkruip om weg te kom van hulle pa se geweld wanneer hy gedrink is. Hierdie is tye wat sy met alles in haar vermoë eerder uit haar gedagtes sou wis. Gaan Lara ook na verkeerde uitweë soek in die lewe, of gaan sy iewers haar lag terugkry?
Met hierdie bundel van my, vat ek jou (soos die titel sê) op ‘n grondpad vol beloftes – saam stap ons oor die Kalahari se rooi stofsand en oor die Bosveld se stilte, tot daar waar die aarde die see ontmoet. Saam stap ons op die lewe se grondpad!
After my husband’s passing, I was overwhelmed with questions and painful memories. In my grief, I rediscovered God’s love and guidance. I had lost all hope when my husband took his last breath, but through God’s Word, hope was restored. In this book, I share my journey of healing with Abba, Yeshua, and the Holy Spirit. My prayer is that God will also become real to you and bring healing to your body, soul, and spirit as He restores you fully in His perfect design.
Die drie boustene van ’n suksesvolle verhouding is liefde, vertroue en kommunikasie. Gulpflerrie skep vir paartjies die geleentheid om spontaan oor hulle seksuele behoeftes te kommunikeer. Seks is ’n belangrike aspek van enige gesonde verhouding. Paartjies met ’n goeie sekslewe is gewoonlik gelukkiger en voel nader aan mekaar as ander paartjies. As vroue meer fantaseer oor seks en mans meer ingestel raak op hulle maats se seksuele bevrediging, sal almal meer liefde WIL maak.
In Gulpflerrie word ook lewenslesse aan die leser deurgegee, soos in “Thaise vakansieklimaks:” ‘Only when you are no longer afraid, you can begin to enjoy life” en Kahlil Gibran: “Wanneer die liefde roep, moet jy dit volg.”
Dihana Swanepoel skraap uiteindelik genoeg moed bymekaar om uit ’n gewelddadige huwelik te stap. Terug in haar tuisdorp en tussen goeie vriende, vind sy weer vrede. Tot Jonathan haar opspoor en haar nuutgevonde vrede van vooraf versteur.
Net toe sy dink sy is nou finaal ontslae van Jonathan, kry sy ’n ontstellende oproep van Johanthan se prokureur. Sy is die voog van Lexi, ’n sestienjarige dogter wat wees gelaat is uit Jonathan se vorige verhouding.
Vasberade om Lexi op te spoor nadat sy geheimsinnig verdwyn het, begin Dihana ‘n intense soektog wat haar lewe omvêrwerp. Sy staar haar eie demone in die gesig, insluitend die pynlike herinneringe aan haar mislukte huwelik.
Ondanks hierdie uitdagings, bly Dihana vasberade en mobiliseer hulp van haar gemeenskap en familie. Haar ontmoeting met Lexi is emosioneel en hartverskeurend, wat lei tot ‘n dieper begrip en ‘n sterk verbintenis tussen hulle.
Dihana se reis is ‘n verhaal van hoop, vergifnis, en die krag van familiebande, terwyl sy streef om ‘n veilige en gelukkige toekoms vir Lexi te verseker.
Leeg is haar woorde, net soos die ore op wat dit val. Louise Viljoen het nog nooit regtig ingepas nie. Niemand het haar nog ooit, in haar kort lewe, verstaan nie, en dit het alles begin met haar geboorte. Hoe pas ‘n mens in ‘n wêreld wat jou nie aanvaar, verstaan of wil hê nie? Hoe leer jy jouself aanvaar as jou eie familie dit nie kan doen nie?
Soms moet ons as vroue onsself gaan soek in die lewenswoestyn. Die vrou wy haar lewe as onderdaan aan die man en tot waar is jy bereid om vir die liefde te veg? Selfs ’n leuen probeer leef om jou man te beskerm of beskerm jy daardeur jouself?
Met die lees van Hagar het ek besef geen sirkel is of word voltooi sonder die soeke na ons eie identiteit nie en met die slot in hierdie selfondersoekende boek van Hagar kan ek saam met Hagar getuig: “My waarde, my identiteit, is nie gesetel in al hierdie aardse dinge nie.
As aansporing vir lede wat die kursus, Praktiese skryfkursus vir beginners, voltooi het – of besig is daarmee – het ons besluit om ’n bundel kortverhale aan te pak. Die deelnemers aan die kortverhaalbundel, Half Gewonne – ’n Bundel vir Eerstes, aan die werk gespring en uiteindelik met ’n heerlike versameling kortverhale vorendag gekom.