Alles het een wolklose dag in Oktober begin …Daardie dag het Lelami de Jager kennis gemaak met Trace Riley. Die aantreklike professor by die Departement van Geologie, aan die Universiteit van Ford Hare in die Oos Kaap.
Oktobermaand was nog altyd besing en bedig as die mooiste, mooiste maand. Maar dáárdie mooi lentedag van 2017, was vir haar baie spesiaal.
Hoekom… sou sy eers heelwat later uitvind. Die hoofrede vir haar besluit om haar meestersgraad in geologie aan die Universiteit van Ford Hare te gaan doen, was hoofsaaklik om naby haar ouers te wees. Dit was net ‘n logiese besluit volgens haar. Oos Londen haar tuisdorp, en die universiteit van Ford Hare, was minder as drie ure se ry van mekaar.
Min het sy geweet watter kinkels die lewe vir haar sou gooi

’n Diep seerkry het gemaak dat Jacques Louw alles op Rietput net so agterlaat en vyf jaar in die Sahara woestyn nesskop. Die Sahara is groot en ongenaakbaar. Net die dapperste onder die dapperes oorleef daar. Tussen die duine en woestynmense, vind hy heling vir sy gefolterde siel. Verlange, en die veiligheid van sy geliefde Arabiese hings, dryf hom egter terug na sy geboortegrond in Suid-Afrika.Terug op Rietput word Jacques geteister deur drome oor die Sahara. Dit vat hom na die Oase van Shakira waar ’n meisie met koringblonde hare en lippe wat granaatrooi glinster agter ’n liggroen sluier sy kop en hart deurmekaarkrap.
Hy skrik een oggend wakker met die reuk van wierook en eksotiese parfuum in sy neus. ’n Stringetjie silwer klokkies lê op die mat en ’n stukkie groen materiaal onder sy bed. Is sy prinses van die duine ’n droom, of werklikheid?
Drie jaar later word sy ma ontvoer. Die losprys; sy pikswart hings. Dit dwing hom terug op die spore wat hy geloop het in die Sahara; waar die een na die ander verassing op hom wag, én die leser se tone laat krul van die lekkerte.

Samuel en Carli kry twee maande na hul troudag, uiteindelik die geleentheid om op hulle wittebrood te gaan. Carli se oom, Neville de Vries, het onderneem om sy strandhuis in Hibberdene aan hulle beskikbaar te stel vir twee weke. Hulle was skaars by hulle bestemming, toe vreemde dinge begin gebeur. Met ontvoering, moord en ’n buite-egtelike verhouding van twintig jaar gelede as agtergrond, beloof ‘Die Swart Wittebrood’ om die leser op die punt van sy en haar stoel te hou.
Sal die pasgetroudes se huwelik die uitdagings wat oor hul pad kom oorleef? Sal húlle dit oorleef?
Vir die spanningsvraat is hierdie boek ’n móét.

Andolene wen die kompetisie en dit gooi haar lewe erg deurmekaar. Nie net alleen moet sy Charlene se woede en haat hanteer nie, maar ook die wete dat sy van Heinrich sal moet vergeet, veral toe dit uitkom dat Nicky se van eintlik óók Malan is en dat Heinrich langs haar waak toe sy geboorte skenk aan ’n seun.Charlene se woede bou op tot ’n punt waar sy nie meer beheer het oor haar optrede nie en Andolene moet ’n duur prys daarvoor betaal.

Mirna en Nalene Boeson is ’n tweeling in die heksgemeenskap diep in die bosse in die noorde van die land, maar hulle verskil soos dag en nag. Mirna is stil en verantwoordelik, maar Nalene is gedurig in die moeilikheid, veral toe sy met swartmagkuns begin eksperimenteer. Nadat Nalene vir Suhara, die hoofheks, in ’n klip verander, moet hulle vlug vir hulle lewens. Om te keer dat Nalene ooit weer haar towerkrag kan gebruik, word sy vasgevang in Mirna, en met Joanne, hulle ma se suster, se hulp word Mirna in Kaapstad gevestig waar ’n weldoener sorg dat sy haar lewe kan voortsit.