Roepstem, my onthulling van my hartsgeheime, my lewenspad. Ek is vrou, ek is dogter. Hierdie digbundel weerspieël verskeie fases van my lewe, soms aanmoedigend, soms laf met ‘n tikkie hartseer, maar altyd as vrou, dogter, peetma…noem my vrou; noem my vegter. As Digter nooi ek julle, my lesers om saam met my op reis te gaan… Roepstem … my reis

Paula poog om met hierdie bundel die leser op ‘n staptog te vat, en tot besef te bring dat dit moontlik is om altyd weer op te staan en aan te gaan. Die lewe sal altyd houe uitdeel maar die beste deel daarvan is om uit jou roet te ruis, jou as af te skud en die toekoms vierkantig in die oë te kyk en ‘n sukses te maak.

Vir my is ʼn gedig ʼn kunswerk met ’n potlood of ’n pen, waarmee jy die uitspansel, die reënboog, ’n emosie of onthou op papier vaslê. Ek het die volgende iewers raak gelees: ʼn Digter is iemand wat hartstogtelik verlief is op die taal. Dit is so waar…

Met hierdie  bundel van my, vat ek jou (soos die titel sê) op ‘n grondpad vol beloftes – saam stap ons oor die Kalahari se rooi stofsand en oor die Bosveld se stilte, tot daar waar die aarde die see ontmoet. Saam stap ons op die lewe se grondpad!

In hierdie opvolg bundel bring sy ‘n bundel gedigte vir kleintjies, jongmense en self vir die grootmense. En in haar gedig Gekleurde Mandjie, vergelyk sy die lewe met ‘n gekleurde mandjie: Die aardse spieël bring voorwaar ‘n mooie prentjie mee…Dis ‘n pragtige mandjie, gekleurd, gevleg en met presisie geweefDit is wat die beeld vertel van skoonheid, en hoe jy leef…Tog daar agter is daar meer wat skuilWeggebêre in die dieptes van die hart en wie kan die waarde peil?Want waarteen word die inhoud gemeet?Soos die mandjie netjies gevleg met beskermende pik as kleed,-só vertoon die uiterlike, – skoon en altyd waardig Trots!

Gedigte is selde die werk van ’n ligsinnige verstand en word al lank geassosieer met wat die meeste in die lewe saak maak—verhoudinge, liefde, geestelikheid, die natuur en die betekenis van die lewe. In Die ABC van Emosies, neem Kobus jou op ‘n gedigte-reis deur die lewe. Hy skryf oor die lewe, die ouderdom, die mooi en die seer.

Manna en Kwartels is Rèni Jansen van Rensburg se besonderse debuutbundel, enig in sy soort, en spring sy sommer weg deur ‘n pad na die leser se hart oop te kap met haar unieke gedigte. Dit is verdeel in drie afdelings om die pad aan te dui wat sy gestap het, die positief wat haar verryk het uit die negatief.
Van die begin af vat Rèni jou aan die hand en lei jou saggies en met gevoel deur haar woordboord. Jy voel die deernis, liefde, hartseer en vergifnis aan wat in elke karakter verwoord is. Jy lees nie net die emosie nie, jy doen mee en ervaar elke nuanse, elke vreugde en elke botsing. Die hartseer gryp jou soms aan die keel en skud jou menswees, want soveel van haar gedigte kan jy verseker met jouself vereenselwig.