Bianca van Wyk, ‘n joernalis wat tans werk as regsbibliotekaresse by een van die grootste regspraktyke in die stad. Sy verpes elke oomblik van haar werk. Advokaat Pieter van Reede van Oudsthoorn, neem haar bykans elke aand uit vir ete en oorlaai haar met duur handsakke en parfuum. Hy doen sy bes om die koppige Bianca te vorm in die beeld wat hy van ‘n vrou het wat by hom behoort te pas. Na ‘n impulsiewe werksaansoek aanvaar Bianca die geleentheid om as feeskoördineerder na die Karoodorp, Albertsrus te verhuis. Sy smag na die onopgesmuktheid en ooptes van die Karoo.
Sy en Stefaanskat bly in die tuinwoonstel van Stefan Marais. Die dorpenaars ontvang haar met agterdog wanneer sy met die fiets, wat Stefan gesê het sy mag gebruik, rondry. Liefde was nie haar motivering om Karoo toe te trek nie, maar een ontmoeting met Stefan en die koeël is deur die kerk, vir Bianca en Stefaanskat.
Voel Stefan ook so, en hoe hanteer hy Pieter se ongenooide besoek?

Alles het een wolklose dag in Oktober begin …Daardie dag het Lelami de Jager kennis gemaak met Trace Riley. Die aantreklike professor by die Departement van Geologie, aan die Universiteit van Ford Hare in die Oos Kaap.
Oktobermaand was nog altyd besing en bedig as die mooiste, mooiste maand. Maar dáárdie mooi lentedag van 2017, was vir haar baie spesiaal.
Hoekom… sou sy eers heelwat later uitvind. Die hoofrede vir haar besluit om haar meestersgraad in geologie aan die Universiteit van Ford Hare te gaan doen, was hoofsaaklik om naby haar ouers te wees. Dit was net ‘n logiese besluit volgens haar. Oos Londen haar tuisdorp, en die universiteit van Ford Hare, was minder as drie ure se ry van mekaar.
Min het sy geweet watter kinkels die lewe vir haar sou gooi

Jacoba en haar drie seuns het glad nie ‘n maklike lewe gehad op die plaas Grasfontein net buitekant Lichtenburg saam met haar man Raoul de Vos nie. Tot op ‘n dag toe haar eie lewe in gevaar gekom het, het die drie seuns saam met hul ma gevlug. Hulle het by ‘n dorpie met die naam Senekal beland. In Senekal het hulle lewens verander, veral toe Jacoba vir Dominee Dewald van Staden ontmoet het. Dewald het vir Jacoba geleer van God se liefde.

Daardie nag het egter vêrreikende gevolge en Talita besef dat sy uit daardie vreemdeling se pad moet bly. Al wat sy van hom weet is dat hy skatryk is en dat hy klein Bertus van haar af sal kan wegneem. Talita is nie bereid om die kans te waag nie. Niemand gaan Bertus ooit van haar af wegneem nie.
Die vraag is of Jacques Streicher handjies gevou gaan sit toe hy besef dat hy ’n kind het.

Description:
’n Versameling stories, gedagtes en skrywes wat soos ’n turksvy, soms stekerig en uitdagend, en tameletjie, soet en aanhoudend, jou hart en siel sal roer.
In Turksvye en Tameletjie vat ’n vrou met ’n wil van haar eie, jou saam op ’n reis vol eerlikheid, humor en diep introspeksie. Sy is nie perfek nie, maar sy is eg en onverbeterlik.
Hierdie bundel is vir die dromers wat anders wil wees, die opregte soekers na integriteit en die mense wat verstaan dat ware kragte in die sagtheid met ’n ruggraat van staal lê.

Welkom by Wesoewer — ’n unieke oord vir oues en jonges.
Wesoewer is geleë langs die Skurwe Berge en onder loom die beeldskone Bosluisrivier: tuiste van vlermuise, skerpioene, rotte, spinnekoppe en spoke. Dit lyk alles vreedsaam maar onder draai die duiwel rond! Wesoewer is ’n boek van 30+ kortverhale van die doen en late van 220 kothuisies en karavane en dit is ’n asemophou en lekkerlag-boek. Daar kan visgevang word in die rivier maar min vis word gevang want die sjerrie en papsakke word mildelik geniet. Ons kan mos vir ons selwers lag, of kan ons?

Die Namakwaland-streek, geleë in die westelike deel van die Noord-Kaap, is bekend vir sy asemrowende blomtonele en woestynlandskap. Die manier waarop die plaaslike mense Afrikaans praat is uniek aan hierdie gebied.
Willem se anekdote van die mense beklemtoon die uniekheid van die mense en die gebied. Sy liefde vir dié deel van ons mooi land kan in elke storie gesien word.
Die stories neem jou deur ‘n reeks emosies, van lag tot amper huil, maar die lag oorheers.