Hierdie oudioboek neem jou op ‘n ontdekkingsreis, wat die merkwaardige gebeure van Jesus se lewe ontbloot. Deur die tempelervaring van die twaalfjarige Jesus, sy biddende interaksie met Abba Vader en die tydperk tussen sy opstanding en hemelvaart te verken, het jy die geleentheid om groter insig in die lewe van Christus te kry. Maak gereed om geïnspireer en getransformeer te word terwyl jy dieper in die karakters en stories van Jesus se lewe delf.
Bykans nege maande lank hou hy alles in hom toegesluit. Saans weergalm sy gille deur die stil gange wanneer dieselfde droom hom treiter. Op ’n dag onthou hy vir KYLA. Sy swartkop met die goue hart en klingellaggie. Stukkies van die legkaart begin inmekaarpas. Hy onthou die reuk van die see, voel die sproei van die branders. Kyla se gille wanneer sy dieper die see ingetrek word. Vlermuise wat saam met die digte mis vanuit die see opstyg. Die grasgroen oë wat ’n mens se siel vir die duiwel kan voer sonder die knip van ’n oog.
Pandora se boks was nou vir só lank toegesluit en weggebêre. Hoe sou die verdomde ding weer oopgekom het?
Boodskap aan ons digters en nageslag
Uit die blou van onse hemel, uit die diepte van ons see, oor ons ewige gebergtes, waar die kranse antwoord gee… kom die mooiste klanke van ons Moedertaal, Afrikaans. Afrikaans is die taal van die digkuns en Die Nuwe Era Groot Verseboek 2023 is weereens ’n bewys daarvan. Tog spreek die digkuns die emosionele kant van ons menswees aan daarom is dit die taal van ons hart en los ons dit as erfenis. Eendag sal ons nageslag besef hul hartskamer is vol woorde-erfgoed wat kleur aan die lewe geeen wanneer die digter ons verlaat en die herinnering stadigaan kwyn, bly die woorde die werklikheid wat Afrikaans sal staande hou. Mag ons woorde altyd lewendig gehou word deur die digkuns.
In Magdaleen Viviers se opwindende roman, Beminlike Rissiepit, word lesers op ‘n wilde reis van liefde, vasberadenheid en chaos geneem. Amorie de Villè, ’n 23-jarige vrou, hou al jare lank ’n diep liefde vir Zander in haar hart opgesluit, maar word nou gekonfronteer met die realiteit van die blondekop Amanda Viljoen. Zander Tredoux is tussen twee duiwels en die diepblou see verskeur en moet ’n moeilike besluit neem. Amanda is vasbeslote om Zander tot elke prys hare te maak. Wie gaan Zander se hart wen en sal Amorie kan ontsnap van die onderduimse en gevaarlike metodes waarvan Amanda gebruik maak? Lees hierdie boeiende roman om uit te vind.
Gesprek – ’n Komiese romanse in ’n winkelgang; ’n jong man jaag liefde met ’n trollie.
Gister – ’n Gebroke vrou oorweeg ’n tweede kans op liefde na verraad.
Hollywood – ’n Kunstenaar soek identiteit en integriteit in die wêreld van roem.
Hoop – ’n Vrou heroorweeg haar lewe en veg om haar drome te herwin.
Metamorfose – ’n Skaam professor waag liefde by ’n kollega.
Vlug – ’n Vrou sukkel teen geestesversteuring en ’n ongenaakbare samelewing.
Weersiens – ’n Ouer vrou konfronteer spyt en ’n geheim uit die verlede.
Sarafina word deur die kommissaris aangesê om te help met die soektog na die baasbrein agter die ontvoering. Sarafina, net soos Heilda, dra swaar aan die bagasie van haar verlede. Sy betoon geen genade toe hulle die ontvoerders vastrek nie, maar die baasbrein is ’n glibberige vent wat hom nie laat vang nie.
Hoekom het die twee mans die wetenskaplike ontvoer? Wat is Sarafina en Heilda se storie, en gaan Xander daarin slaag om hulle almal veilig te hou?
Die oorlog kry nie einde nie. Die jaarlikse metamorfose van eggenoot, vader, student en besigheidsman na moordende barbaar en weer terug, gaan sit nie maklik in ‘n mens se klere nie. Om van versoekinge van die vlees nie te praat nie.
Die boek bestaan uit geestelike bemoedigings wat oorspronklik spruit vanuit my eie lewenservarings. Ek is maar n doodgewone man, en dit waarmee ek wroeg en hoe die Gees my daardeur lei, sal vir elke gewone mens van waarde wees om te lees. Ons almal het troos, stigting en bemoediging nodig – om te ontvang, maar ook om uit te deel.
Ons almal het groei nodig. Ons almal moet geestelik fikser word.
Die wedloop waaraan ons deelneem raak al hoe meer liberaal, sonder dissipline en geestelik lewensgevaarlik.
Ek nooi jou uit om hierdie pad saam met my te stap en God se onbeskryflike liefde en genade en guns te beleef. Hierna te weet dat God alles kan en saam met my hierdie getuienis te gebruik vir die uitbreiding van Sy koninkryk.
As jy hierdie getuienis lees, vertel vir ander daarvan, vra hulle om dit ook te lees, laat ons saam God se Almag deel.
Kurt Wessels se vrou en dogtertjie van vier, Vera, weier om hom te sien, nadat sy die lewe geskenk het aan n seun met Down Sindroom.
Hy neem die baba na sy plaas Wesselsrust, waar hy hom met behulp van sy werknemers se vroue, die seun probeer grootmaak, maar die kind sterf. Sy kind se operasies, n reuse veldbrand en ander kostes veroorsaak dat hy sy plaas verloor.
Die nuwe eienares vra hom om aan te bly en sy het n tweeling; n dogter en n seun ook met…
Die aantreklike jong dokter Karin Maree se lewe verander oornag in ‘n nagmerrie toe sy onskuldig betrek word by ‘n groot dwelmkartel wat sy yster tentakels ingeslaan het in London en Kaapstad, en ook die hele Afrika asook lande in Europa.
So tussendeur helikoptergevegte in die lug en brutale gevegte op land, het Kupido gesorg vir die wonderlike aroma van liefdesontwakings…
‘n Droom vir Marilaine is die verhaal van ‘n vrou in haar laat vyftiger jare. Haar lewe was nooit net maanskyn en rose nie. Sy moes van vroeg af leer hoe om op haar eie voete te staan.
Marilaine word dan skielik afbetaal by haar werk. Sy is onseker oor wat die toekoms vir haar inhou. Hierdie skielike omwenteling laat haar twyfel in haarself. Gelukkig is dit van korte duur. Haar goeie vriendin kom met ‘n voorstel wat haar hele lewe ten goede omverwerp.
Sy leer van vooraf wat dit is om op die Here te vertrou. Sy pluk dan ook die vrugte van haar geloof.
‘n Roman wat by die alledaagse vrou, aanklank sal vind.
Sy ongelooflike kennis van diere, veral leeus, laat hom op ‘n leeuplaas beland. Maar sy verlede, as ‘n oud gevange haal hom telkens in en hy moet van werk verander.
Selfs sy romantiese lewe word verpletter, en onskuldig word hy telkens verraai.
Van swoeg in bruin uniform, wat amptelik bekend gestaan het as nutria, oor klipkoppe, deur doringruigtes, tussen Namibduine en in Caprivisand. Van oorlogvoering. Van studentelewe en plan maak vir oorleef. Liquorice, soetkoekies, tabak en drank.
Hoe ‘n vrou se lyf kan verlei. Net n baie dapper man trou met ‘n mooi vrou. Selfs moor vir haar.
Hierdie roman vol intriges, handel oor moord, verraad, hebsug en de Boers-wraak. Dis ‘n avontuurverhaal wat ons van die eerste tot laaste bladsy laat regop sit en lees. Dit is ook ‘n liefdesverhaal tussen mense wat baie redes het om mekaar te vermy – maar tog nie kan weerstaan om te ontmoet nie.
Dit is boeiend en spanningsvol, tog slaag Diamante en die Skerpioen daarin om ‘n hartroerende romanse te wees.
