Die bundel begin met “genade” en eindig met “die beginner”. Hoe sluit die twee bymekaar aan? Om te besef dat alles waardeur jy as mens gekom het was net deur genade. Baie mense gee op en baie mense twyfel maar genadiglik maak jy dit deur alles, ongeag. Die beginner dui daarop dat die toerusting wat jy benodig is binne jou. Dis ‘n nuwe begin vir jou, want die deurlopende lees van die bundel bring jou tot hierdie punt van hoop, liefde, vreugde en vrede. Jy het ‘n nuwe visie, nuwe krag, nuwe wysheid en ‘n nuwe liefde vir jouself.

Die bundel is ‘n samevatting van sommige van my pogings tot die digkuns oor die laaste twintig jaar.Elke mens se paadjie is anders en dit wat jy ervaar het tot waar jy vandag staan, het gehelp skaaf aan wie jy vandag is. So is die lewe en menswees smeebaar. Aards is min dinge so seker, as dat alles verander nie.

Ek ken van innie emmers pis en een of twee maaltye per dag mis, but dis eienaardig cause ek voel glad nie minderwaardig as diegene wie dit makliker het as ek nie.
Megan Adendorff, beter bekend as Dis Megizay het grootgeword in Amstelhof en dit dien as bewys dat rose uit konkryt kan groei. Sy skryf oor wat sy voel, ervaar, sien en ook waarvan sy hoor.Skryf is haar toevlug.Skryf is wie Megizay is.

In Woordtowenaar, het ek die stoute skoene aangetrek om oor die vier Taal-bewegings te praat, en dan ʼn vinnige ʼn agtergrond te gee. Om die hele verhaal te vertel, sal boeke en boeke met verskeie volumes wees. Ek wil egter die pad wat die Afrikaner gevolg het, aan julle bekendstel. Die pad wat Afrikaans gevolg het, om gevorm te word.