Lienka was die enigste kind van Alta en Cornelius de Wet. Haar pa het gesterf toe sy slegs nege jaar oud was en haar ma vyf maande gelede. Sy het groot geword in Kuruman waar haar pa die stasiebevelvoerder van die polisiestasie was en haar ma maar al die jare ’n tuisteskepper. Lienka soek Lukas van Vuuren op en hy luister aandagtig na wat Lienka sê, sy twee potblou oë vasgenael op die vergeelde, toegevoude briefie in sy hande. Sy hande bewe effens, maar Lienka sien dit nie eers raak nie.
Lukas vou die briefie stadig oop toe Lienka opgehou praat het. Die papiertjie is baie dun en kan maklik skeur…
Lees verder aan hierdie hartroerende verhaal…

‘n Vakansie in die Drakensberge breek aan waarna die gesin so uitgesien het.
Wat kan dan nou verkeerd gaan?
Kom ervaar ‘n wintersnag in die Drakensberge saam met die gesin en vind uit wat so vreesaanjaend kan wees.

Louw Erasmus se stories is meestal gesprekke met homself oor die alledaagse lewe. Gesprekke waarmee die leser hom/haar kan vereenselwig. Sy taalgebruik is alledaags met geen aansittery en mooi woorde nie. Die lewe soos dit is deur die oë en stem van ‘n man wat ‘n lewe wel geleef het. Deur swaarkry en goeie tye, hartseer en verlange neem Louw jou deur ‘n lewensreis en met ‘n les om te onthou in elke storie, wanneer jy eendag op oudag se stoep sit en terugdink… .

Bettie Snyders verpes die verlate dorpie met sy stofstrate waar sy gebore is en grootgeword het. Sy het ʼn heimlike begeerte om ʼn speurder te wees sodat sy moordenaars en skelms kan vastrek, maar dit was nie vir haar beskore nie. Een middag laat doen die geleentheid hom egter voor om haar lyf speurder te hou toe sy die algemene handelaar waar sy werk se deure sluit, en huis toe stap. Daar skyn lig uit een van die vensters van die ou munisipale hospitaal wat in onbruik is. Die hospitaal is jare gelede ontruim omdat dit nie meer lewensvatbaar was nie en moes sy deure finaal sluit.
Toegerus met ’n kombinasie-mes met allerlei funksies, wat sy by die winkel “geleen” het, en ’n flitslig, durf sy die gange van die ou, vervalle hospitaal aan om ondersoek in te stel of daar dalk iets sinister aan die gang is.
Sy loop haar egter vas in twee baie ongure karakters…

Wanneer Divan, moedeloos en uitgeput van die hitte en droogte gedwing word om ’n windpomp te gaan regmaak om dors diere water te gee, lei dit tot ontdekking van ongerymdhede wat vlak onder sy neus gebeur.
Te midde van al die probleme raak jong kinders weg op die dorp en skep dit ’n gevoel van angs tussen die inwoners.
Sal Divan uiteindelik die antwoorde kry waarna hy so naarstiglik soek…

Alles het een wolklose dag in Oktober begin …Daardie dag het Lelami de Jager kennis gemaak met Trace Riley. Die aantreklike professor by die Departement van Geologie, aan die Universiteit van Ford Hare in die Oos Kaap.
Oktobermaand was nog altyd besing en bedig as die mooiste, mooiste maand. Maar dáárdie mooi lentedag van 2017, was vir haar baie spesiaal.
Hoekom… sou sy eers heelwat later uitvind. Die hoofrede vir haar besluit om haar meestersgraad in geologie aan die Universiteit van Ford Hare te gaan doen, was hoofsaaklik om naby haar ouers te wees. Dit was net ‘n logiese besluit volgens haar. Oos Londen haar tuisdorp, en die universiteit van Ford Hare, was minder as drie ure se ry van mekaar.
Min het sy geweet watter kinkels die lewe vir haar sou gooi

Toe reisjoernalis en voëlkyker Brenda Malan haar skip verpas op die afgeleë eiland Darion, word sy gered deur ’n seun, Ben, en sy hond. Sy vind tydelike verblyf by die Taylors en besluit om in haar elf dae op die eiland stories na te spoor. ’n Verdagte seilskip en geheimsinnige aktiwiteite by die hawe wek haar nuuskierigheid. Wanneer sy foto’s neem van ’n verdagte toneel, besef sy nie dat haar soektog na ’n storie haar dalk in gevaar mag plaas nie.