Trane van ’n Kind.
Ria Steyn het gedink haar ware identiteit kan sy versteek agter vuil mure vol graffiti, totdat daar ’n moord gepleeg word in die woonstel langsaan. Wie is Ria Steyn en wat is haar verbintenis met die agtien meisies wat in die George, Hermanus, Kleinmond en omliggende gebiede onverklaarbaar vermis geraak het?
Verwyte oor Verlore Tyd
Net ’n paar dae terug het Santie voor die oop graf gestaan. Haar man en kinders half agter haar. Hulle het die vrou begrawe wat haar in die lewe gebring het en wat sy haar hele lewe lank nie wou erken as haar ma nie.Nou sit sy in die prokureur se kantoor en kan nie glo wat sy hoor nie. Die brief in haar ma se handskrif keer haar hele lewe op sy kop.

Janie vlug na die stil kusdorpie Vissiesbaai in n wanhopige poging om haar gebroke liggaam en siel te genees. Die letsels op haar been is n bitter herinnering aan die trauma wat sy probeer vergeet, n die rede waarom sy niemand naby haar wil toelaat nie. Maar toe stap Ben, die blonde, vrygees-surfer, onverwags haar lewe binne soos n somerbries uit die see. Sy speelse terg en onbeskaamde belangstelling laat haar mure kraak, terwyl haar Labrador, Boeta, instinktief besef dat hierdie man dalk kan help om sy mens weer heel te maak. Terwyl die meeue bo die see sirkel, word Janie gedwing om haar verlede in die o te kyk en te besluit of sy vir altyd op vlug wil wees, of die vlerke van nuwe liefde durf oopsprei. Kan Ben haar leer om weer te glo in haarself, in vertroue en in die liefde?

Engela Boshoff struikel-val in Louis Eloff se arms toe sy haar skoenveter vastrap. In ’n oogwink raak sy onherroeplik en onbeheersd verlief op die man met die kuiltjie in sy wang. Liefde met die eerste oogopslag, noem hy dit. Voordat hy haar naam ken of weet wie sy is, soen hy haar en kan sedertdien nie meer sy hande of lippe van haar lyf af hou nie. As sy tog net van die chroniese lighoofdigheid en oorontsteking kan ontslae raak …
Ses maande later, tydens hul wittebrood, kry hulle die uitslag van Engela se duiseligheid.

Adri word op Langverwacht gebore, onbewus van die draaie wat haar lewe sou neem. ’n Verkeerde keuse lei haar na die Karoo, vasgevang in ’n toksiese huwelik met George, wie se donker kant haar en haar kinders se lewens bedreig. Ná vyftien jaar vlug sy na Bredasdorp om nuut te begin. Deur geloof en deursettingsvermoë bou sy ’n veilige lewe vir haar gesin. Jare later bring George se dood onverwags nuwe onrus en geheimenisse wat ou wonde oopkrap.

Sue-Ann Bekker is besig met ’n ingewikkelde hofsaak, waar haar kliënt in hegtenis geneem is op aanklagte van moord, poging tot moord en oortreding van privaat eiendom. Haar senuwees is reeds op breekpunt toe Dewaal Kok haar kantoor binnestap en haar daarvan beskuldig dat sy met sy pa se lewe speel omdat dit haar so lank neem om sy onskuld te bewys. Indien sy pa iets moet oorkom in die tronk, gaan hy haar verantwoordelik hou.
Sy wil die arrogante man summier in sy peetjie stuur, maar besef gou dat sy hom nodig het om haar te help met die saak.
Soos die ondersoek vorder, kom Sue-Ann agter dat Dewaal vir haar veel meer begin beteken as net om haar te help met sy pa se saak. Sy is egter bang vir seerkry, daarom kon sy dit nog altyd reggekry om alle mans op ’n afstand te hou.
Maar Dewaal is anders… Of is hy?

‘n Droom vir Marilaine is die verhaal van ‘n vrou in haar laat vyftiger jare. Haar lewe was nooit net maanskyn en rose nie. Sy moes van vroeg af leer hoe om op haar eie voete te staan.
Marilaine word dan skielik afbetaal by haar werk. Sy is onseker oor wat die toekoms vir haar inhou. Hierdie skielike omwenteling laat haar twyfel in haarself. Gelukkig is dit van korte duur. Haar goeie vriendin kom met ‘n voorstel wat haar hele lewe ten goede omverwerp.
Sy leer van vooraf wat dit is om op die Here te vertrou. Sy pluk dan ook die vrugte van haar geloof.
‘n Roman wat by die alledaagse vrou, aanklank sal vind.

Helena Badenhorst is ‘n foto-joernalis vir Lamp en Lig. Sy ry van dorp tot dorp om foto’s van kerke van groot gemeentes te neem. Sy geniet haar werk, maar die een vraag wat om en om in haar kop maal, het eenvoudig nie ‘n antwoord nie. Haar reis word naby Wilgenhoutsdrift onderbreek. Dit pla haar dat die kerk onooglik is en die predikant haar vrae vermy. Wat het werklik met Brand Naude gebeur?
Brand Naude is ‘n predikant met ‘n verinneweerde gemoed. Hy gaan terug na Wilgenhoutsdrift toe om sin te maak uit chaos waarin hy hom bevind. Terwyl hy probeer om ‘n nuwe rigting in te slaan, verwag ‘n vriend dat hy die een mens op Wilgenhoutsdrift, wat werklik swaarkry moet help. Hoe kan hy ander in nood help as hy hom self nie eers kan help nie?
Die hartsreis van Helena Badenhorst is ‘n grondpad-reis vol duwweltjies en ontdekkings.